အရပ်ဝတ်များပါဝင်သည့် ရွာမ​ကျောင်းလမ်းပစ်ခတ်မှုတွင် ဒဏ်ရာရ၊ ဖမ်းဆီးခံရသူများရှိ

ရန်ကုန်မြို့ လှိုင်မြို့နယ် ရွာမကျောင်းလမ်းထဲကို ဒီ​​နေ့မနက်   ၁၁ နာရီခွဲ​လောက်က  လက်နက်ကိုင်  ရဲ​တွေ စစ်သား​တွေနဲ့ အရပ်ဝတ်​တွေ ဝင်​ရောက်လာပြီး စစ်အာဏာရှင်ဆန့်ကျင်​ ဆန္ဒပြသူ​တွေကို ပစ်ခတ်ဖမ်းဆီးခဲ့တယ်လို့ ပတ်ဝန်းကျင်ရှိ ပြည်သူ​တွေက​ပြောပါတယ်။

အရင်ဆုံး လက်နဲ့ပစ်တဲ့ မီးခိုးဗုံး​တွေ မျက်ရည်ယိုဗုံး​​တွေအပြင် ပစ်ခတ်သံ​တွေကြားခဲ့ရပြီး တမ်မ ၇၇ စစ်သား​တွေကလည်း တုတ်​တွေနဲ့လိုက်ရိုက်တဲ့အပြင် အရပ်ဝတ်နဲ့လူ​တွေပါ ​တွေ့တဲသူကို လိုက်ရိုက်​နေ​ကြောင်း လူစုခွဲချိန်မှာ ရဲတချို့က  တပ်မ ၇၇ က စစ်သား​တွေလာ​နေတာ​ကြောင့် မြန်မြန်​ပြေးဖို့ ​ပြော​ကြောင်း အင်းအားသုံး ဖြိုခွင်းခံရစဉ် ရဲတွေနဲ့ အနီးဆုံးရှိခဲ့တဲ့ လူငယ်​တွေက​ ပြောပါတယ်။

အရပ်ဝတ်​တွေပါပါတဲ့ လုံခြုံ​ရေး​တွေဟာ ဆန္ဒပြသူတွေကို ဝင်လိုက် ပစ်လိုက် ပြန်ထွက်လိုက်လုပ်​နေ​ကြောင်း အရပ်ဝတ်​တွေပါတာ ဟုတ်မှန်​ကြောင်း မျက်မြင် ​သတင်း​ထောက်တစ်​ယောက်ကလည်း ပြောပါတယ်။

ပြည်သူတွေနဲ့ ဆန္ဒပြလူငယ်တွေရဲ့ ပြောစကားအရ ရွာမ​ကျောင်းလမ်း ရိုက်နှက်ပစ်ခတ် ဖမ်းဆီး ဖြိုခွင်းမှုအတွင်း လူတစ်​ယောက်​ခြေ​ထောက်ကို ​ထိမှန်ခဲ့ပြီး မျက်ရည်ယိုဗုံးတွေကြောင့် မျက်စိနာသွားသူတွေတွေ့ခဲ့ရကြောင်း အဖမ်းခံရသူ ၅ ယောက်ထက်မနည်းရှိနိုင်တယ်လို့ သိရပါတယ်။

သတင်း – ညီငယ်၊ ဓာတ်ပုံ – ပြည်သူ