ပဲခူးတိုင်း၊ သာယာဝတီခရိုင်၊ မင်းလှမြို့မှာ စစ်အာဏာရှင်အလိုမရှိကြောင်း ၃ ရက်မြောက်နေအဖြစ် ပြည်သူတွေ၊ ပညာရေးဝန်ထမ်းတွေ၊ ကျန်းမာရေးဝန်ထမ်းတွေ၊ သစ်တောဝန်ထမ်းတွေ၊ မီးရထားဝန်ထမ်း‌တွေ၊ တိုင်းရင်းသားပေါင်းစုံ၊ လူတန်းစားပေါင်းစုံးပူးပေါင်းပြီး အင်အားတစ်သိန်းကျော် ဆန္ဒပြခဲ့ကြပါတယ်။

ဆန္ဒပြပြည်သူတွေဟာ မင်းလှမြို့တွင်းမှာတစ်ဖွဲ့၊ မင်းလှမြို့နယ် စစ်ကွင်းမြို့မှာတစ်ဖွဲ့  နှစ်ဖွဲ့ခွဲပြီး ဆန္ဒထုတ်ဖော်ခဲ့ကြပြီး လုံခြုံးရေးရဲတပ်ဖွဲ့အနည်းငယ်သာ လုံခြုံရေးချထားပါတယ်။

စစ်အာဏာရှင်စနစ်ကိုအလိုမရှိကြောင်း၊ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်၊ သမ္မတဦးဝင်းမြင့်အပါအဝင် ဖမ်းဆီးခံထားရသူတွေကို အမြန်ဆုံးလွှတ်ပေးရေး စတဲ့ကြွေးကြော်သံတွေနဲ့ မင်းလှမြို့ လူစည်ကားရာလမ်းမတွေပေါ်နဲ့ စစ်ကွင်းမြို့လမ်းမတွေပေါ် လမ်းလျှောက် ဆန္ဒပြတောင်းဆိုခဲ့ကြတာပါ။

ဆန္ဒပြပွဲကို မနက် ၉ နာရီလောက်က စတင်ခဲ့ပြီး ၁၁ နာရီဝန်းကျင်လောက် အေးချမ်းစွာ ပြန်ရုပ်သိမ်းသွားခဲ့ပါတယ်။

သက်နိုင်ဝင်း