ဒေါ်အောင်ဆန်းစုကြည်ဦးဆောင်တဲ့ NLD အစိုးရက ကြိုးပမ်းရယူပေးထားတဲ့ ကိုဗစ်-၁၉ ကွယ်ဆေးတွေကိုတော့ ဒီကနေ့ ဖေဖော်ဝါရီ ၅ ရက်နေ့မှာ ပြည်သူတွေကို စတင်ထိုး ပေးနေပါတယ်။
ကိုဗစ်-၁၉ ကာကွယ်ဆေးတွေကို ရန်ကုန်မြို့ရှိ မြို့နယ်ငါးမြို့နယ်က အသက် ၆၅ နှစ်အထက် ရှိသူတွေကို ဦးစားပေးထိုးပေးခဲ့တာပါ။
ကိုဗစ်ရှီးလို့ အမည်ပေးထားတဲ့ ဒီကာကွယ်ဆေးတွေကိုတော့ လက်ရှိမှာ အာဏာအသိမ်းခံထားရတဲ့ ဒေါ်အောင်ဆန်းစုကြည် အစိုးရလက်ထက်မှာ အိန္ဒိယနိုင်ငံကနေ ကာကွယ်ဆေး ၁ သန်းခွဲ ရရှိထားတာပါ။
ကာကွယ်ဆေးထိုးခံခဲ့တဲ့ ပြည်သူတွေကတော့ ကာကွယ်ဆေးကို ရယူပေးခဲ့တဲ့ ဒေါ်အောင်ဆန်းစုကြည် ဦးဆောင်တဲ့ အစိုးရကို ကျေးဇူးတင်ကြောင်းပြောဆိုခဲ့ပြီး ဖမ်းဆီးခံထားရမှုကနေ အမြန်ဆုံး လွတ်မြောက်ပါစေလို့ ဆုတောင်းပေးခဲ့ကြပါတယ်။
မြန်မာနိုင်ငံဟာ အရှေ့တောင်အာရှမှာ တတိယမြောက် ကိုဗစ်-၁၉ ကာကွယ်ဆေး ထိုးနှံခွင့်ရတဲ့ နိုင်ငံလည်း ဖြစ်ပါတယ်။
ဒီကာကွယ်ဆေးတွေဟာ ဇန်နဝါရီ ၂၂ရက်နေ့မှာ မြန်မာနိုင်ငံကို ရောက်ရှိခဲ့တာဖြစ်ပြီး လူ ၇ သိန်းခွဲကို ထိုးပေးမှာပါ။
သတင်းဓာတ်ပုံ - ပြည့်ဘုန်းအောင်
