Homeမြန်မာသတင်း
ရေဆင်းမွေးမြူရေးဆိုင်ရာ ဆေးတက္ကသိုလ် ဆရာနှင့် ကျောင်းသားများ ဖဲကြိုးနီကမ်ပိန်းပြုလုပ်
ရေဆင်းမွေးမြူရေးဆိုင်ရာ ဆေးတက္ကသိုလ် ဆရာနှင့် ကျောင်းသားများ ဖဲကြိုးနီကမ်ပိန်းပြုလုပ်
DVB
·
February 5, 2021
တပ်မတော်ကာကွယ်ဦးစီးချုပ် ရုံးစိုက်ရာ ဇေယျာသီရိမြို့နယ်မှာရှိတဲ့ ရေဆင်းမွေးမြူရေးဆိုင်ရာ ဆေးတက္ကသိုလ်ရှိ ဌာနပေါင်းစုံမှ ဆရာ၊ ဆရာမတွေ၊ ကျောင်းသား/သူ ဟောင်းတွေ ဌာနအသီးသီးမှ ဝန်ထမ်းတွေ စုပေါင်းပြီး စစ်အာဏာရှင်ဆန့်ကျင်ရေး ဖဲကြိုးနီ ကမ်ပိန်းပြုလုပ်နေပါတယ်။
ဖဲကြိုးနီလှုပ်ရှားမှုကို မွေးမြူရေးဆိုင်ရာ ဆေးတက္ကသိုလ် မုဒ်ဦးရှေ့နဲ့ ဘွဲ့နှင်းသဘင်( ရွှေရတု) ခန်းမရှေ့မှာ ဒီကနေ့ ပြုလုပ်ခဲ့တာဖြစ်ပါတယ်။
မနေ့ကလည်း ဇေယျာသီရိမြို့နယ် ရေဆင်းတက္ကသိုလ် သုံးခုထဲက တစ်ခုဖြစ်တဲ့ ရေဆင်းစိုက်ပျိုးရေးတက္ကသိုလ်ရှိ ဆရာ ဆရာမတွေ၊ ကျောင်းသား/သူ ဟောင်းတွေနဲ့ ကျောင်းသား ကျောင်းသူတွေက ဖဲကြိုးနီကမ်ပိန်းတွေ ပြုလုပ်ပြီး စစ်အစိုးရကို ဆန့်ကျင်ကန့်ကွက်ခဲ့ကြပါတယ်။
