အခုလကုန်ထိ ရပ်နားထားတဲ့ မြန်မာအမျိုးသားလေကြောင်းလိုင်းက ပြည်တွင်း၊ ပြည်ပ(Relief Flight) ခရီးစဉ်တွေကို လာမယ့် ဖေဖော်ဝါရီ ၄ ရက်ကစ ပြန်လည်ပြေးဆွဲ ပျံသန်းပေးသွားမယ်လို့ ကြေညာထားပါတယ်။
ကြေညာချက်ထဲမှာတော့ လေကြောင်းလိုင်းအနေနဲ့ ကိုဗစ်-၁၉ ရောဂါဖြစ်ပွား နေတဲ့ ကာလအတွင်း ခရီးသွားပြည်သူတွေ အဆင်ပြေချောမွေ့စွာ သွာလာနိုင်ဖို့အတွက် ပြေးဆွဲပေးသွားမှာလို့ ဆိုပါတယ်။
မြန်မာနိုင်ငံမှာ ဖြစ်ပွားနေတဲ့ ကိုဗစ်-၁၉ ရောဂါကူးစက်ပြန့်ပွားမှုတွေကို ကာကွယ်နိုင်ဖို့ သက်ဆိုင်ရာဝန်ကြီးဌာနညွှန်ကြားချက်တွေအရ မြန်မာအမျိုးသားလေ ကြောင်းလိုင်းရဲ့ ပြည်ပလေယာဉ်ခရီးစဉ်တွေဖြစ်တဲ့ စင်ကာပူ၊ ဟောင်ကောင်၊ ဘန် ကောက်၊ ချင်းမိုင်ခရီးစဉ်တွေကို အခုလကုန်အထိ ထပ်မံတိုးမြှင့်ရပ်ဆိုင်းကြောင်း ပြီးခဲ့တဲ့ ဇန်နဝါရီ ၃၀ ရက်စွဲနဲ့ ထုတ်ပြန်ထားခဲ့တာ ဖြစ်ပါတယ်။
မြန်မာအမျိုးသားလေကြောင်းလိုင်းအနေနဲ့ ကိုဗစ်-၁၉ ကာလမှာ ပြည်ပနိုင်ငံတွေ မှာ အကြောင်းအမျိုးမျိုးနဲ့ ရောက်ရှိနေပြီး နေရပ်ပြန်ဖို့ အခက်အခဲရှိနေသူတွေအတွက် ကယ်ဆယ်ရေးလေယာဉ် ခရီးစဉ်တွေ ပြေးဆွဲပေးနေတာ ဖြစ်ပါတယ်။
မြန်မာနိုင်ငံမှာ ဖေဖော်ဝါရီ ၂ ရက်နေ့ ည ၈ နာရီအထိ ကိုဗစ်-၁၉ ရောဂါ ကူးစက်ခံ ရသူ စုစုပေါင်း ၁၄၀,၆၆၄ ယောက်၊ သေဆုံးသူ ၃,၁၄၆ ယောက်နဲ့ ပိုးတွေ့ပြန်လည်သက် သာလာသူပေါင်း ၁၂၅,၈၈၅ ယောက် ရှိနေပြီ ဖြစ်ပါတယ်။
