မန္တလေးမြို့တွင် သံဃာတော်များ ဆွမ်းခံ ပြန်လည်ကြွရောက် (ဓာတ်ပုံ)
715
မန္တလေးမြို့မှာ လတ်တလောမှာ ကိုဗစ်-၁၉ ရောဂါ ကူးစက်မှု လျော့ကျလာတာကြောင့် ဘုန်းကြီးကျောင်းတိုက်တချို့က သံဃာတော်တွေဟာ မြို့ထဲမှာ ပြန်လည်ပြီး ဆွမ်းခံကြွရောက်နေကြပြီ ဖြစ်ပါတယ်။
ကိုဗစ်ကပ်ဘေးကာလအတွင်း မန္တလေးမှာ ရောဂါကူးစက်မှု မြင့်တက်ခဲ့တာကြောင့် ဘုန်းတော်ကြီး ကျောင်းတိုက်တချို့က ဆရာတော် သံဃာတော်တွေအနေနဲ့ ဆွမ်းခံကြွရောက်တာကို ရပ်နားထားခဲ့တာပါ။
မန္တလေးတိုင်းအတွင်းမှာတော့ ခရိုင်၊ မြို့နယ်၊ မြို့၊ ရပ်ကွက်နဲ့ ကျေးရွာတွေရှိ တန်ခိုးကြီးဘုရားတွေ၊ စေတီပုထိုးတွေကို ဖူးမြော်ခွင့် မပြုသေးတဲ့အပြင် လူစုလူဝေး အများအပြားနဲ့ ကျင်းပမယ့် ဘာသာရေးဆိုင်ရာ အခမ်းအနားတွေ၊ ဘုရားပွဲတော်၊ တရားပွဲ၊ တရားစခန်း၊ ဝတ်ပြုဆုတောင်းပွဲ၊ ရဟန်းခံရှင်ပြုပွဲ၊ မင်္ဂလာဧည့်ခံပွဲအပါအဝင် ပွဲလမ်းသဘင်တွေ ကျင်းပခြင်းမပြုကြသေးဖို့ ဥပဒေနဲ့ တားမြစ်ထားတာဖြစ်ပါတယ်။
တိုင်းဒေသကြီး အစိုးရအဖွဲ့အနေနဲ့ ကိုဗစ်ကပ်ရောဂါကာလအတွင်း သံဃာတော်တွေ ဆွမ်း၊ ကွမ်းအခက်အခဲ မဖြစ်စေဖို့ မန္တလေးခရိုင်အတွင်းက ဘုန်းတော်ကြီးကျောင်းတိုက်ကြီးတွေကို ဆွမ်းဆန်နဲ့ လှူဖွယ်ပစ္စည်းတချို့ ဆပ်ကပ်လှူဒါန်းခဲ့ပါတယ်။
သတင်း - ထိန်ထိန်လင်း
