ခန္တီးမြို့တွင် တပ်မတော်ထောက်ခံပွဲပြုလုပ် (ဓာတ်ပုံ)
DVB
·
December 31, 2020
စစ်ကိုင်းတိုင်းဒေသကြီး၊ ခန္တီးမြို့မှာ ဒီဇင်ဘာလ ၃၁ ရက် ဒီနေ့ မနက်ပိုင်းက တပ်မတော် ထောက်ခံပွဲတစ်ခု မြို့တွင်းလှည့်လည် ပြုလုပ်ခဲ့သွားပါတယ်။
တပ်မတော်အားမငယ်စေဖို့အတွက် တပ်မတော်ကိုချစ်တဲ့ ပြည်သူတစ်ယောက်အနေနဲ့ ဒီထောက်ခံပွဲကိုလုပ်တာလို့ ဦးဆောင်သူ ဒေါ်မာမာခိုင်က ပြောပါတယ်။
“ကျမတို့က ဘာပဲဖြစ်ဖြစ် တပ်မတော်နဲ့အတူ ရပ်တည်မယ်။ တပ်မတော်က ပြည်သူလူထု အသက်အိုးအိမ်တွေ အကာကွယ်ပေးနေတယ်။ အခုလက်ရှိအချိန်မှာ မြန်မာတပ်မတော်က မြန်မာနိုင်ငံအတွက် အများကြီးကောင်းကျိုးပေးနေတယ်။ အရင်ကတော့ အာဏာရှင်ဆန်တာ လုပ်ခဲ့တာတွေရှိမယ့် အခုချိန်မှာ တပ်မတော်က ပြုပြင်ပြောင်းလဲလာတယ်။ ဒါတွေကို ပြည်သူတွေသိမှာပဲ။ အခုက ပြည်တွင်းပြည်ပအဖွဲ့စည်းတွေက တပ်မတော်ကို သမိုင်းဆိုးဖြစ်အောင် လုပ်နေတယ်။ ဒါကြောင့် ဒီထောက်ခံပြုလုပ်တာ။ ကျမတို့ အမျိုးသားရေးသမားတွေ တပ်မတော်ကို သိစေချင်တယ်။ ဒါကြောင့်တပ်မတော်အနေနဲ့ အားမငယ်ပါနဲ့” လို့ ဒေါ်မာမာခိုင်က ပြောပါတယ်။
တပ်မတော်ထောက်ခံပွဲကို ခန္တီးမြို့ ဗိုလ်ချုပ်ကြေးရုပ်ကနေစတင်ပြီး စျေးလမ်းကမ်းနား လေယာဉ်ကွင်းဘက် စစ်တပ်အပြင်ဘက်အထိ စီတန်းလှည့်လည်ခဲ့ပြီး လူဦးရေ ၃၀ လောက်ပါဝင် တယ်လို့ သိရပါတယ်။
အောင်ဆန်းမြင့်
