Live
Home
မြန်မာသတင်း
မင်္ဂလာဒုံနှင့် မြောက်ဥက္ကလာပတွင် ကိုဗစ်-၁၉ ပိုးတွေ့လူနာ  ၅,၀၀၀ ကျော်စီရှိလာ
DVB
·
December 10, 2020
ကျန်းမာရေးနှင့် အားကစားဝန်ကြီးဌာနရဲ့ ထုတ်ပြန်ချက်တွေအရ တနိုင်ငံလုံးမှာ ကိုဗစ်-၁၉ ရောဂါကူးစက်မှုအများဆုံး လူနာအများဆုံး ၅,၀၀၀ ကျော်တဲ့ မြို့နယ် ၂ ခုအပါ အဝင် ထောင်နဲ့ချီကူးစက်ခံရတဲ့ မြို့နယ် ၃၀ ထိရှိလာခဲ့ပြီ ဖြစ်ပါတယ်။ ပိုးတွေ့လူနာအများဆုံးမြို့နယ် ၂ ခုကတော့ ရန်ကုန်တိုင်း၊ မင်္ဂလာဒုံနဲ့‌မြောက်ဥက္က လာပမြို့နယ်တွေဖြစ်ပြီး ပိုးတွေ့လူနာ ၅,၀၃၄ ယောက်နဲ့ ၅,၀၀၂ ယောက်စီ အသီးသီး ကူးစက်ခံထားရတာ ဖြစ်ပါတယ်။ ထောင်နဲ့ချီကူးစက်ခံရတဲ့ မြို့နယ် ၃၀ ထဲမှာတော့ ရန်ကုန်တိုင်းဒေသကြီးအတွင်း က မြို့နယ်ပေါင်း ၂၅ မြို့နယ်၊ မန္တလေးတိုင်းက ၃ မြို့နယ်၊ ရခိုင်ပြည်နယ်က ၁ မြို့နယ်နဲ့ ပဲခူးတိုင်းက ၁ မြို့နယ် ပါဝင်နေတာ ဖြစ်ပါတယ်။ အဲဒီထဲမှာ ပိုးတွေ့လူနာ ၄,၀၀၀ ကျော်တဲ့ မြို့နယ် ၁ ခု၊ ၃,၀၀၀ ကျော်တဲ့ မြို့နယ် ၄ ခု၊ ၂,၀၀၀ ကျော်တဲ့ မြို့နယ် ၇ ခုနဲ့ ၁,၀၀၀ ကျော်တဲ့ ၁၆ ခု ပါဝင်နေတာ ဖြစ်ပါတယ်။ ပိုးတွေ့လူနာ ၄,၀၀၀ ကျော်တဲ့ မြို့နယ်ကတော့ ရန်ကုန်တိုင်း၊ လှိုင်သာယာမြို့နယ် ဖြစ်ပြီး ၄,၂၃၆ ယောက် ကူးစက်ခံထားရပါတယ်။ ပိုးတွေ့လူနာ ၃,၀၀၀ ကျော်တဲ့ မြို့နယ် ၄ ခုကတော့ ရန်ကုန်တိုင်းမြို့နယ်တွေ ဖြစ် တဲ့ အင်းစိန်၊ သင်္ဃန်းကျွန်း၊ မရမ်းကုန်း၊ ရွှေပြည်သာမြို့နယ်တွေဖြစ်ပြီး ပိုးတွေ့လူနာဦး ရေ ၃,၉၆၆ ယောက်၊ ၃,၈၁၅ ယောက်၊ ၃,၂၀၃ ယောက်၊ ၃,၁၈၃ ယောက်စီနဲ့ အသီးသီး ကူးစက်ခံထားရပါတယ်။ ပိုးတွေ့လူနာ ၂,၀၀၀ ကျော်တဲ့ မြို့နယ်တွေအနေနဲ့ ရန်ကုန်တိုင်းမြို့နယ် ၇ ခုဖြစ် တဲ့ လှိုင်၊ တာမွေ၊ တောင်ဥက္ကလာပ၊ သန်လျင်၊ ဒဂုံမြို့သစ်(တောင်ပိုင်း)၊ ကမာရွတ်၊ သာ ကေတမြို့နယ်တွေက ပိုးတွေ့လူနာဦးရေ ၂,၆၃၄ ယောက်၊ ၂,၅၅၆ ယောက်၊ ၂,၅၄၂ ယောက်၊ ၂,၅၃၁ ယောက်၊ ၂,၄၉၀ ယောက်၊ ၂,၀၉၉ ယောက်၊ ၂,၀၇၁ ယောက်စီနဲ့ အသီး သီး ကူးစက်ခံထားရတာပါ။ အဲဒီမြို့နယ်တွေနောက်မှာတော့ ကိုဗစ်-၁၉ ပိုးတွေ့လူနာ ၁,၀၀၀ ကျော်ရှိတဲ့ မြို့ နယ်တွေအနေနဲ့ ရန်ကုန်တိုင်းမြို့နယ် ၁၃ ခုဖြစ်တဲ့ ကြည့်မြင်တိုင်၊ ဒဂုံမြို့သစ် (မြောက်ပိုင်း)၊ စမ်းချောင်း၊ မင်္ဂလာတောင်ညွန့်၊ ဒဂုံမြို့သစ်(အရှေ့ပိုင်း)၊ မှော်ဘီ၊ ဗဟန်း၊ ဒလ၊ လမ်းမတော်၊ ရန်ကင်း၊ ဒဂုံမြို့သစ်(ဆိပ်ကမ်း)မြို့နယ်တွေ ပါဝင်နေတာပါ။ ကျန်တဲ့ တိုင်းနဲ့ ပြည်နယ်တွေထဲက ပိုးတွေ့လူနာ ၁,၀၀၀ ကျော်ရှိလာတဲ့ မြို့နယ် ၅ ခုရှိလာပြီဖြစ်ကာ အဲဒီမြို့နယ်တွေကတော့ မန္တလေးတိုင်းမြို့နယ် ၃ ခုဖြစ်တဲ့ ချမ်းအေး သာစံ၊ မဟာအောင်မြေ၊ အောင်မြေသာစံမြို့နယ်၊ ပဲခူးတိုင်းမြို့တော် ပဲခူးမြို့နဲ့ ရခိုင်ပြည် နယ်မြို့တော် စစ်တွေမြို့တို့ ဖြစ်ပါတယ်။ မြန်မာနိုင်ငံမှာ ပထမဆုံးသော ကိုဗစ်-၁၉ အတည်ပြုလူနာကိုတော့ ပြီးခဲ့တဲ့ မတ် ၂၃ ရက်ကစတင်တွေ့ရှိခဲ့တာဖြစ်ပြီး တကျော့ပြန်ကူးစက်မှုတွေနဲ့ အချိန် ၈ လကျော်ရှိ လာခဲ့ချိန်မှာတော့ တနိုင်ငံလုံးအတိုင်းအတာနဲ့ ပိုးတွေ့လူနာအရေအတွက် ၁၀၃,၀၀၀ ကျော် ရှိလာခဲ့ပြီ ဖြစ်ပါတယ်။ ကျန်းမာရေးဝန်ကြီးဌာနရဲ့ ဒီဇင်ဘာ ၉ ရက်ည ၈ နာရီထုတ်ပြန်ချက်အရ တနိုင်ငံ လုံးမှာ ကိုဗစ်-၁၉ ပိုးတွေ့လူနာစုစုပေါင်း ၁၀၃,၁၆၆ ယောက်၊ သေဆုံးသူ ၂,၁၇၄ ယောက်နဲ့ ပိုးတွေ့ပြန်လည်သက်သာလာသူပေါင်း ၈၁,၇၁၅ ယောက် ရှိနေပါတယ်။ ပြည်နယ်နဲ့ တိုင်းအလိုက်ကြည့်မယ်ဆိုရင်တော့ ရန်ကုန်တိုင်းက လူနာအရေအ တွက် ၇၀,၀၀၀ ကျော် ကိုဗစ်-၁၉ ရောဂါကူးစက်ခံထားရပြီး ပိုးတွေ့လူနာ အများဆုံး ဖြစ်ကာ ဒုတိယနေရာမှာတော့ မန္တလေးတိုင်းနဲ့ ပဲခူးတိုင်းတွေက ပိုးတွေ့လူနာ ၈,၀၀၀ ကျော်နဲ့ ၆,၀၀၀ ကျော်စီ ရှိနေတာ ဖြစ်ပါတယ်။ ဒီအချက်အလက်တွေကတော့ မြန်မာနိုင်ငံမှာ ကိုဗစ်-၁၉ ပိုးတွေ့လူနာ စတင်တွေ့ ရှိချိန်ကတည်းက အချိန် ၈ လ ကျော်ကြာခဲ့ချိန်မှာ ဓာတ်ခွဲနမူနာစုစုပေါင်း ၁ ဒသမ ၃ သန်းကျော်ကို စစ်ဆေးမှုတွေအရ ကျန်းမာရေးနဲ့ အားကစားဝန်ကြီးဌာနရဲ့ တရားဝင် ဝက်ဘ်ဆိုက်ဒ် စာမျက်နှာပေါ်မှာ ဖော်ပြထားခဲ့တာ ဖြစ်ပါတယ်။ လတ်တလောမှာတော့ အစိုးရအနေနဲ့ အများပြည်သူကို ကျန်းမာရေး အသိပညာ ပေးမှုတွေ စဉ်ဆက်မပြတ်လုပ်ဆောင်ပေးနေပြီး ပြည်နယ်နဲ့တိုင်းအလိုက် ပါးစပ်နဲ့ နှာခေါင်းစည်း မဖြစ်မနေ တပ်ဆင်ရေး လူထုလှုပ်ရှားမှုစီမံချက်တွေကိုလည်း လုပ်ဆောင်နေ တာ ဖြစ်ပါတယ်။ တရုတ်နိုင်ငံအလယ်ပိုင်း ဝူဟန်မြို့က စတင်ခဲ့တဲ့ ကိုဗစ်-၁၉ ရောဂါကူးစက်ပျံ့နှံ့မှု ဟာ တကမ္ဘာလုံးကပ်ရောဂါအသွင်ဆောင်လာခဲ့ပြီး လက်ရှိအချိန်ထိ နိုင်ငံပေါင်း ၂၀၀ ကျော်မှာ ရောဂါကူးစက်ခံရသူ စုစုပေါင်း ၆၉ သန်းကျော်လာခဲ့ပြီဖြစ်ကာ သေဆုံးသူ ၁  သန်းခွဲကျော်နဲ့ ရောဂါပျောက်ကင်းသက်သာသူ စုစုပေါင်း ၄၇ သန်းကျော် ရှိနေခဲ့ပြီ ဖြစ်ပါ တယ်။

About DVB

The Democratic Voice of Burma (DVB) publishes daily independent news and information across Myanmar and around the world by satellite TV and the internet. DVB was founded in 1992 and is registered as a non-profit association in Thailand.

Follow Us

© Democratic Voice of Burma 2024