A d v e r t i s e m e n t With Us

ချန်ပီယံလိဂ်အုပ်စု နောက်ဆုံးပွဲစဉ်တွင် စီရော်နယ်ဒိုနှင့် မက်ဆီတို့ ထိပ်တိုက်ပြန်ဆုံ

ဘာစီလိုနာနဲ့ ဂျူဗင်တပ်စ်အသင်းတို့ တွေ့ဆုံမယ့် ချန်ပီယံလိဂ်အုပ်စု နောက်ဆုံးပွဲစဉ်မှာ မက်ဆီနဲ့ စီရော်နယ်ဒိုတို့ ပြန်လည်တွေ့ဆုံကြမှာ ဖြစ်ပါတယ်။  ပထမအကျော့ပွဲစဉ်တုန်းက ကိုဗစ်-၁၉ ရောဂါ ကူးစက်ခံခဲ့ရတဲ့ ရော်နယ်ဒိုကြောင့် မက်ဆီနဲ့ ရော်နယ်ဒိုတို့ ထိပ်တိုက်မတွေ့ခဲ့ရတာပါ။ ဒီဇင်ဘာ ၈ ရက်နေ့ ဂျူဗင်တပ်စ်အသင်းက ဘာစီလိုနာအသင်းရဲ့ နူးကမ့်ကွင်းမှာ သွားရောက်ရင်ဆိုင်ရမှာပါ။ နှစ်သင်းစလုံး အုပ်စုအဆင့်ကို ကျော်ဖြတ်နိုင်ခဲ့ပြီး ဖြစ်ပေမယ့် အုပ်စု ပထမနေရာအတွက်တော့ ဂျူဗင်တပ်စ်အသင်းက ၃ ဂိုးပြတ် အနိုင်ရမှ ဖြစ်မှာပါ။ ဒီပွဲစဉ်ဟာ ၂၀၁၈ ခုနှစ်နောက်ပိုင်း ကမ္ဘာ့အကောင်းဆုံး ဘောလုံးသမား ၂ ဦးဖြစ်တဲ့ ရော်နယ်ဒိုနဲ့ မက်ဆီတို့ ပထမဆုံးအကြိမ် ကွင်းထဲမှာ ပြန်လည်ဆုံတွေ့မယ့်ပွဲ ဖြစ်ပါတယ်။  ရော်နယ်ဒို ရီးရဲလ်မက်ဒရစ်အသင်းမှာ ရှိစဉ်က မက်ဆီနဲ့ ပြိုင်ဘက်တွေအဖြစ် နှစ်စဉ် ရင်ဆိုင်ခဲ့ရဖူးပေမယ့် ဂျူဗင်တပ်စ်အသင်းဆီ ပြောင်းရွှေ့ပြီးနောက်ပိုင်းမှာတော့ ၂ နှစ်အတွင်း ပထမဆုံးအကြိမ် ပြန်လည်ဆုံတွေ့ကြမှာ ဖြစ်ပါတယ်။

A d v e r t i s e m e n t With Us

More News
Up