A d v e r t i s e m e n t With Us

နယူးဇီလန် ကျွန်းဖြူပေါ်ရှိ မီးတောင်ပေါက်ကွဲမှုနှင့်ပတ်သက်၍ လူ ၁၃ ဦးကို တရားစွဲ

လူ ၂၂ ယောက် သေဆုံးခဲ့ရတဲ့ ၂၀၁၉ နယူးဇီလန် မီးတောင်ပေါက်ကွဲမှုနဲ့ ပတ်သက်ပြီး လူ ၁၃ ယောက်ကို တရားစွဲအပြီးမှာ လွယ်ကူတဲ့လုပ်ငန်းစဉ် မရှိဘူးလို့ နယူးဇီလန် ဝန်ကြီးချုပ် ဂျာဆင်ဒါအာဒန်က နိုဝင်ဘာ ၃၀ ရက်မှာ ပြောလိုက်ပါတယ်။ ဒေသခံတိုင်းရင်းသား မာအိုရီလူမျိုးတွေက ဝှါခါးရိလို့ သိကြတဲ့ ကျွန်းဖြူပေါ်မှာ မနှစ်က ဒီဇင်ဘာ ၉ ရက်က အံ့အားသင့်စရာ မီးတောင်ပေါက်ကွဲခဲ့လို့ လူ ၂၂ ယောက် သေဆုံးပြီး ဒါဇင် အတော်များများ ဒဏ်ရာရပါတယ်။ သေဆုံးဒဏ်ရာရသူ အများစုက သြစတြေးလျ၊ အမေရိကန်နဲ့ မလေးရှား အပါအဝင် နိုင်ငံတွေက ကမ္ဘာလှည့်ခရီးသည်တွေဖြစ်ပြီး မီးတောင်ပေါက်ချိန်မှာ ကျွန်းပေါ်မှာ လူ ၄၇ ယောက် ရှိနေခဲ့ပါတယ်။ ကျွန်းဖြူပေါ် ကမ္ဘာလှည့်ခရီးသည်တွေကို ခေါ်သွားတဲ့နေရာမှာ ကျန်းမာရေးနဲ့ ဘေးကင်းရေး သတ်မှတ်ချက်တွေနဲ့ မကိုက်ညီတဲ့ လူ ၁၃ ယောက်ကို စုံစမ်းစစ်ဆေး တွေ့ရှိထားတယ်လို့  မတော်တဆမှုဆိုင်ရာ လုပ်ငန်းခွင်ဘေးကင်းရေး စည်းမျဉ်းကြီးကြပ်သူ အဖွဲ့အစည်း Worksafe က နိုဝင်ဘာ ၃၀ ရက် သတင်းစာရှင်းလင်းပွဲမှာ ပြောပါတယ်။ မီးတောင်ပေါက်ကွဲမှုဒဏ် ခံခဲ့ရတဲ့ ဟေဒန်မာရှယ်အင်မန်ရဲ့ ညီအစ်ကို မာ့ခ်အင်မန်ကတော့ မီးတောင်ပေါက်တဲ့ ကပ်ဆိုးဟာ မတော်တဆ ဖြစ်ရပ်လို့ ယုံကြည်ပြီး ရာဇဝတ်မှုဆိုင်ရာ တရားစွဲတာတွေကို စိတ်ပျက်တယ်လို့ နယူးဇီလန် ရုပ်သံ TVNZ ကို ပြောပါတယ်။

A d v e r t i s e m e n t With Us

More News
Up