ဒုတိယအကြိမ် မန္တလေးတိုင်းဒေသကြီးလွှတ်တော်၏ နောက်ဆုံး အစည်းအဝေး ကျင်းပ

ဒုတိယအကြိမ် မန္တလေးတိုင်းဒေသကြီးလွှတ်တော်ရဲ့ ၂၁ ကြိမ်မြောက်ပုံမှန်   အစည်းအဝေးကို ဒီဇင်ဘာလ ၁ ရက်နေ့က စတင်ကျင်းပနေပါတယ်။ ဒီအစည်းအဝေးဟာ (၂၁)ကြိမ်မြောက်ပုံမှန် အစည်းအဝေး (ပထမနေ့) ဖြစ်ပြီး အခုလက်ရှိ လွှတ်တော်သက်တမ်းအတွင်း နောက်ဆုံးအကြိမ်ကျင်းပမယ့် လွှတ်တော်အစည်းအဝေးလည်း ဖြစ်ပါတယ်။ ဒီကနေ့မှာ မန္တလေးတိုင်းဒေသကြီးတရားလွှတ်တော်၊ တရားသူကြီးချုပ်ရဲ့ အမည်စာရင်းနဲ့ မန္တလေးတိုင်းဒေသကြီး တရားလွှတ်တော်၊ တရားသူကြီးရဲ့ အမည်စာရင်းကို တင်သွင်း ကြေညာခဲ့ပါတယ်။ မန္တလေးတိုင်းတရားသူကြီးချုပ်အဖြစ် ဦးကြည်သိန်း(ခ)ဦကြည်သိန်းအောင်နဲ့ တိုင်းတရားသူကြီးအဖြစ် ဒေါ်ကြည်ကြည်သိန်းတို့ ကို အမည်စာရင်းတင်သွင်းခဲ့ကြတာဖြစ်ပါတယ်။ အမည်စာရင်းတင်သွင်းထားတဲ့အပေါ် ဒီဇင်ဘာ ၂ ရက်နေ့ ကျင်းပမယ့် လွှတ်တော်မှာ ကန့်ကွက်နိုင်ကြောင်းနဲ့ ကန့်ကွက်သူမရှိပါက ဆက်လက် အတည်ပြု ခန့်အပ်မှာ ဖြစ်ပါတယ်။ သတင်း - ထိန်ထိန်လင်း

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up