A d v e r t i s e m e n t With Us

ကားနှင့်ဆိုင်ကယ်တိုက်ပြီး နေအိမ်အထိ ယာဉ်အောက်ပိုင်း၌ ညပ်ပါသွားသူ ၁ ဦးကို ကယ်ဆယ်

စမ်းချောင်းမြို့နယ်မှာ ဒီနေ့မနက် ၀၀း၅၀ အချိန်လောက်က ကားနဲ့ ဆိုင်ကယ်တိုက်မှုဖြစ်ပြီး ယာဉ်အောက်ပိုင်းမှာ ညပ်ပါသွားသူ ၁ ဦးကို မီးသတ်တပ်ဖွဲ့က ကယ်ဆယ်နိုင်ခဲ့တယ်လို့ သိရပါတယ်။ ရန်ကုန်တိုင်း၊ စမ်းချောင်းမြို့နယ်၊ ရှင်စောပုလမ်းမှာ FORD အမျိုးအစား (အနက်ရောင်) မော်တော်ယာဉ်က Honda Wave အမျိုးအစား (အနီရောင်) မော်တော်ဆိုင်ကယ်အား ဝင်ရောက်တိုက်မိမှု ဖြစ်ပွားခဲ့တာပါ။ ဆိုင်ကယ်ယာဉ်မောင်းဟာ မော်တော်ယာဉ်အောက်ပိုင်း၊ ဂျွိုင်းဆက်နဲ့ ဆီတိုင်ကီကြား ညပ်ပြီး နေအိမ်ကားဂိုဒေါင်အထိ ပါရှိသွားကြောင်း သတင်းရလို့ မီးသတ်တပ်ဖွဲ့ဝင်တွေက ရှာဖွေကယ်ဆယ်ရေးလုပ်ခဲ့ပြီး ဆိုင်ကယ်ယာဉ်မောင်းအား ၀၂း၃၆ အချိန်မှာ ကယ်ထုတ်နိုင်ခဲ့တယ်လို့ မီးသတ်တပ်ဖွဲ့က ထုတ်ပြန်ပါတယ်။ ယာဉ်တိုက်မှုကြောင့် ဆိုင်ကယ်နောက်က စီးနင်းလိုက်ပါသူ အမျိုးသမီး ၁ ဦး အခင်းဖြစ်နေရာမှာ သေဆုံးခဲ့ပြီး ဆိုင်ကယ်ယာဉ်မောင်း အမျိုးသားကတော့ ဒဏ်ရာစိုးရိမ်ရတာကြောင့် ရဲသူရိန်ပရဟိတအသင်း လူနာတင်ယာဉ်နဲ့ ရန်ကုန်ပြည်သူ့ဆေးရုံကြီးကို ပို့ဆောင်ပေးခဲ့တယ်လို့ သိရပါတယ်။ Photo : Myanmar Fire Services Department

A d v e r t i s e m e n t With Us

More News
Up