A d v e r t i s e m e n t With Us

ပုဂံ ဓမ္မရံကြီးဘုရားတွင် တန်ဆောင်တိုင် ဆီမီး ၂၇၀၀ ပူဇော် (ဓာတ်ပုံ)

ညောင်ဦးခရိုင်၊ ညောင်ဦးမြို့နယ် ပုဂံရှေးဟောင်းယာဥ်ကျေးမှုဇုန်အတွင်းက အထင်ကရ ဘုရားကြီးတွေ တစ်ဆူဖြစ်တဲ့ ဓမ္မရံကြီးဘုရားမှာ တန်ဆောင်မုန်းလ နိုဝင်ဘာ ၂၈နဲ့ ၂၉ ရက်နေ့မှာ ဆီမီး ၂၇၀၀ ပူဇော်ထားပါတယ်။ “ကျနော်တို့  ဓမ္မရံကြီး ဘုရားစျေးသည်အဖွဲ့တွေက စျေးဆိုင်တွေ ပိတ်ထားပေမဲ့ အားလုံးလာရောက်ပြီး လုပ်အားကုသိုလ် ယူကြတာပေါ့။ အဓိက အလှူရှင်ကတော့ ရန်ကုန်က ဦးဗလ ဦးဆောင်တဲ့ အဖွဲ့က ငွေလွှဲလှူပေးတာ” လို့ ဓမ္မရံကြီး ဘုရားစျေးသည် ကိုအောင်ခိုင်က ပြောပါတယ်။ ပုဂံရှိ စေတီပုထိုးတွေကို ကိုဗစ်ကာလဖြစ်တာကြောင့် ပိတ်ထားဆဲဖြစ်ပေမဲ့ သီတင်းကျွတ် က သုံးရက်တာ တစ်ကြိမ် ဆီမီးပူဇော်ဖြစ်သလို အခု တန်ဆောင်းမုန်းလမှာလည်း တန်ဆောင်တိုင်ဆီမီးပူဇော်ခြင်းကို အဖိတ်နေ့၊ လပြည့်နေ့ နှစ်ရက် ပူဇော်သွားမယ်လို့ ဆိုပါတယ်။ သတင်း - ကိုလင်း(ချောက်)

A d v e r t i s e m e n t With Us

More News
Up