A d v e r t i s e m e n t With Us

ကိုဗစ်-၁၉ ကာကွယ်ဆေးမထိုးဟု ဘရာဇီးသမ္မတ ပြော

ကိုဗစ်-၁၉ ကာကွယ်ဆေးမထိုးဘူးလို့ ဘရာဇီးသမ္မတ ဂျရဲဘော်ဆိုနာရိုက နိုဝင်ဘာ ၂၆ ရက်မှာ ပြောဆိုလိုက်ပါတယ်။ ဒါဟာ ကိုဗစ်ကာကွယ်ဆေး အစီအစဉ်အပေါ်မှာ သံသယရှိတာကို ဖော်ပြတဲ့ သမ္မတ ဘော်ဆိုနာရိုရဲ့ နောက်ဆုံးပြောဆိုချက်တခုပါ။ ဆိုရှယ်မီဒီယာပလက်ဖောင်းတွေက တိုက်ရိုက်ထုတ်လွှင့်ရာမှာ ဘော်ဆိုနာရိုက နှာခေါင်းတပ်တာဟာ ဗိုင်းရပ်စ်ပျံ့နှံ့တာကို ထိထိရောက်ရောက် ထိန်းချုပ်တယ်ဆိုတဲ့ အထောက်အထား မရှိသလောက်ပဲလို့လည်း ပြောပါတယ်။ ကိုဗစ်ကာကွယ်ဆေး ကျယ်ကျယ်ပြန့်ပြန့်ရချိန်မှာ ဘရာဇီးနိုင်ငံသားတွေအနေနဲ့ မဖြစ်မနေ ကာကွယ်ဆေးထိုးစရာ မလိုအပ်ဘူးလို့လည်း  ဘော်ဆိုနာရိုက ထပ်တလဲလဲ ပြောဆိုထားပါတယ်။  ဘရာဇီးဟာ ကမ္ဘာမှာ ကိုဗစ်-၁၉ ကြောင့် ဒုတိယသေဆုံးမှု အများဆုံးနိုင်ငံ ဖြစ်ပါတယ်။  ပြီးခဲ့တဲ့ ဇူလိုင်လတုန်းက  သမ္မတ ဘော်ဆိုနာရိုကိုယ်တိုင် ကိုဗစ် ကူးစက်ခံခဲ့ရပေမယ့် သူက ကပ်ရောဂါရဲ့ ပြင်းထန်မှုကို ပေါ့ပေါ့တန်တန် သဘောထားနေတယ်လို့ ရိုက်တာက တင်ပြပါတယ်။

A d v e r t i s e m e n t With Us

More News
Up