A d v e r t i s e m e n t With Us

သစ္စာမဲ့ယုတ်ညံ့သူ မဖြစ်လိုသဖြင့် အမှားများကို ဝေဖန်ထောက်ပြနေရခြင်းဖြစ်ဟု ဦးခင်ရီပြော

မှားတာကို မှန်တယ်လို့ ပြောတယ်ဆိုရင် သစ္စာမဲ့သူ ယုတ်ညံ့သူလို့ သတ်မှတ်ခံရမှာဖြစ်လို့ အမှားတွေကို ဝေဖန်ထောက်ပြနေတာဖြစ်တယ်လို့ ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ ဒု-ဥက္ကဋ္ဌ ဦးခင်ရီက ပြောပါတယ်။  နိုဝင်ဘာ ၂၆ ရက်နေ့က ကြံ့ခိုင်ရေးပါတီဌာနချုပ်(ရန်ကုန်ရုံးခွဲ)မှာ ပြုလုပ်တဲ့ သတင်းစာရှင်းလင်းပွဲမှာ အဲဒီလိုပြောဆိုခဲ့တာပါ။ "မှားယွင်းတာကို မှားယွင်းတယ်လို့မပြောရဲရင် ဖုံးကွယ်လိမ်ညာ သူရဲဘောကြောင်သူလို့ ပြောရမှာဖြစ်ပြီး၊ မှားတာကို မှန်တယ်လို့ ပြောတယ်ဆိုရင်တော့ သစ္စာမဲ့သူ ယုတ်ညံ့သူလို့ သတ်မှတ်ခံရမှာဖြစ်လို့ မှားနေတာကို ခုလိုထောက်ပြနေခြင်းဖြစ်ပါတယ်" လို့ ဦးခင်ရီက ပြောပါတယ်။ အဲဒီသတင်းစာရှင်းလင်းပွဲမှာ ကြံ့ခိုင်ရေးပါတီအပါအဝင် တခြားပါတီ‌တချို့လည်း ပူးပေါင်းရှင်းလင်းခဲ့ကြပါတယ်။ သတင်း - ထက်ဝေအောင်

A d v e r t i s e m e n t With Us

More News
Up