မန္တလေးတိုင်း ရှမ်းတိုင်းရင်းသားလူမျိုးရေးရာဝန်ကြီး ကိုဗစ်-၁၉ ရောဂါ ကူးစက်ခံရ

မန္တလေးတိုင်းဒေသကြီး အစိုးရအဖွဲ့  ရှမ်းတိုင်းရင်းသားလူမျိုးရေးရာဝန်ကြီး ဦးစိုင်းပန်းဆိုင်မှာ နိုဝင်ဘာ ၂၁ ရက်နေ့က ကိုဗစ်-၁၉ ရောဂါပိုး တွေ့ရှိတယ်လို့ ချမ်းအေးသာစံမြို့နယ် အထွေထွေအုပ်ချုပ်ရေးဦးစီးဌာနက အတည်ပြုပါတယ်။  ဘယ်ကနေ ဘယ်လိုကူးတာဆိုတာကိုတော့ အတည်ပြုပြောကြားတာမရှိခဲ့ပါဘူး။  ဦးစိုင်းပန်းဆိုင်အနေနဲ့ နိုဝင်ဘာ ၂၀ ရက်နေ့က လုပ်ခဲ့တဲ့ ပြည်သူ့ကျန်းမာရေးဓာတ်ခွဲခန်း အဆောက်အအုံဖွင့်ပွဲ အခမ်းအနားကို မန္တလေးတိုင်းဒေသကြီးအစိုးရအဖွဲ့နဲ့ အတူတက်ရောက်ခဲ့ပါတယ်။  မန္တလေးတိုင်းဒေသကြီး ရှမ်းတိုင်းရင်းသားလူမျိုးရေးရာဝန်ကြီး ဦးစိုင်းပန်းဆိုင်ဟာ တိုင်း ကိုဗစ်-၁၉ ရောဂါကာကွယ်ထိန်းချုပ်ရေးနဲ့ အရေးပေါ်တုံ့ပြန်ရေးကော်မတီ သတင်းမှန်ပြန်ကြားရေးနှင့်သတင်းမှားများဖြန့်ဝေသူများ ရှာဖွေဖော်ထုတ်ရေး သတင်းစောင့်ကြည့်ရေးလုပ်ငန်းကော်မတီ ဥက္ကဋ္ဌအဖြစ် တာဝန်ယူထားသူဖြစ်ပါတယ်။  မန္တလေးတိုင်းဒေသကြီးမှာ နိုဝင်ဘာလ ၁၉ ရက်နေ့အထိ ကိုဗစ်-၁၉ ရောဂါအတည်ပြုလူနာ ၃၈၉၆ ဦး၊ သေဆုံးသူ ၂၁ ဦးနဲ့ လက်ရှိ ဆေးရုံတက်ကုသနေသူ ၁၃၆၃ ဦး ရှိတယ်လို့ တိုင်းအစိုးရအဖွဲ့ က ထုတ်ပြန်ထားပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up