မြင်းခြံတွင် ခရီးသွားရာဇဝင်အမှန်မပြောသူကို သဘာဝဘေးအန္တရာယ်ဆိုင်ရာဥပဒေဖြင့် အမှုဖွင့်

မန္တလေးတိုင်း၊ မြင်းခြံမြို့မှာ ခရီးသွားရာဇဝင်ကို အမှန်မပြောဘဲ ရောဂါကူးစက်မှု ဖြစ်ပေါ်စေခဲ့တဲ့ ကိုဗစ်-၁၉ လူနာအမှတ် ၇၈၈ ကို သဘာဝဘေးအန္တရာယ်ဆိုင်ရာ စီမံခန့်ခွဲမှု ဥပဒေပုဒ်မ ၂၅ နဲ့ အမှုဖွင့်အရေးယူထားတယ်လို့ မြင်းခြံမြို့မရဲစခန်းက ပြောပါတယ်။  လူနာအမှတ် ၇၈၈ ဟာ ရန်ကုန်ကို သွားလာခဲ့တဲ့ ခရီးသွား ရာဇဝင်ရှိခဲ့ပေမယ့် အမှန်မပြောတာကြောင့် လူနာကနေတဆင့် ရောဂါကူးစက်သူတွေ ထပ်ပြီးရှိခဲ့တဲ့အတွက် နိုဝင်ဘာလ ၁၇ ရက်နေ့မှာ မြင်းခြံမြို့နယ် ကျန်းမာရေးဦးစီးဌာနက တရားစွဲခဲ့တာလည်း ဖြစ်ပါတယ်။   အဲဒီလူနာအမှတ် ၇၈၈ ဟာ သြဂုတ် ၃၁ ရက်နေ့မှာ ရောဂါပိုးတွေ့ရှိခဲ့တယ်လို့ ကျန်းမာရေးနဲ့ အားကစားဝန်ကြီးဌာနက ထုတ်ပြန်ထားပြီး လူနာကနေတဆင့် နောက်ထပ် ၅၇ ဦးထိ ပြန့်ပွားခဲ့တာလည်း ဖြစ်ပါတယ်။  ကူးစက်ခံရသူတွေဟာ မန္တလေးမြို့က ကန်တော်နဒီဆေးရုံနဲ့ မြင်းခြံဆေးရုံတွေမှာ တက်ရောက်ကုသခဲ့ကြရပြီး လက်ရှိမှာတော့ ဆက်စပ်တဲ့ လူနာအားလုံး ဆေးရုံက ဆင်းသွားပြီလို့ သိရပါတယ်။ ၂၀၁၃ သဘာဝဘေး အန္တရာယ်ဆိုင်ရာ စီမံခန့်ခွဲမှုဥပဒေပုဒ်မ ၂၅ မှာ ၃ နှစ်ထက်မပိုတဲ့ ထောင်ဒဏ်နဲ့ ငွေဒဏ်လည်း ချမှတ်နိုင်တာဖြစ်ပါတယ်။   ဇာဇာမောင်

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up