ရွှေခေတ် မြန်မာ့လက်ရွေးစင် ဘောလုံးသမားဟောင်း ၂ ဦး ကိုဗစ်-၁၉ ရောဂါကူးစက်ခံရ
DVB
·
November 19, 2020
ရွှေခေတ် မြန်မာ့လက်ရွေးစင် နိုင်ငံ့ဂုဏ်ဆောင် ဘောလုံးသမားဟောင်းနှစ်ဦးဖြစ်တဲ့ ဦးစိုးမြင့် နဲ့ ဦးခင်မောင်လေးတို့ ကိုဗစ်-၁၉ ရောဂါ ကူးစက်ခံထားရတယ်လို့ မြန်မာနိုင်ငံ ဘောလုံးအဖွဲ့ချုပ်က သတင်းထုတ်ပြန်ပါတယ်။
မြန်မာ့လက်ရွေးစင်ဟောင်း ဘောလုံးသမားကြီး ၂ ဦးဟာ လက်ရှိအချိန်မှာ ရန်ကုန်က ဧရာဝတီစင်တာနဲ့ မန္တလေးမြို့ကုတင် ၃၀၀ ဆေးရုံကြီးတို့မှာတက်ရောက် ဆေးကုသမှုခံယူနေရတာ ဖြစ်ပါတယ်။
သူတို့နှစ်ဦး အမြန်ဆုံးပြန်လည်ကျန်းမာကြပြီး ကပ်ရောဂါဆိုးက လွတ်မြောက်ကြပါစေဖို့နဲ့ ကျန်တဲ့ မြန်မာ့ဘောလုံးလောကသားတွေ၊ မြန်မာ့ဘောလုံးပရိသတ်တွေနဲ့ ပြည်သူပြည်သားအပေါင်းကလည်း ကပ်ရောဂါဘေးမှ ကင်းဝေးကြပါစေဖို့ ဆုတောင်း မေတ္တာပို့သတယ်လို့ ဘောလုံးအဖွဲ့ချုပ် ထုတ်ပြန်ချက်မှာဖော်ပြပါတယ်။
ဓာတ်ပုံ- MFF
