အင်္ဂလန်အသင်း ကမ္ဘာ့အကောင်းဆုံးဖြစ်ရန် ရည်ရွယ်ထားဟု နည်းပြဆောက်ဂိတ်ပြော

အင်္ဂလန်အသင်းကို ကမ္ဘာ့အကောင်းဆုံးအသင်းဖြစ်ဖို့ ရည်ရွယ်ထားတယ်လို့ နည်းပြ ဆောက်ဂိတ်က ပြောပါတယ်။  အင်္ဂလန်အသင်းဟာ နိုဝင်ဘာ ၁၆ ရက်နေ့ မနက် ၂ နာရီ ၁၅ မှာ ဘယ်လ်ဂျီယံအသင်းနဲ့ ဘရပ်ဆဲလ်မှာ သွားရောက်ယှဉ်ပြိုင်ကစားရမှာပါ။  ဘယ်လ်ဂျီယံနဲ့ နောက်ဆုံး ၃ ပွဲ ထိပ်တိုက်တွေ့ဆုံရာမှာ ၃ ပွဲ စလုံးရူံးနိမ့်ခဲ့ပေမဲ့လည်း အင်္ဂလန်အသင်းမှာလည်း အကောင်းဆုံးကစားသမားတွေရှိတယ်လို့ နည်းပြ ဆောက်ဂိတ်က ပြောပါတယ်။  ဘယ်လ်ဂျီယံအသင်းက ထိပ်တန်းအသင်းဆိုတာ သက်သေပြသခဲ့ပြီးသားဖြစ်ပေမယ့် အင်္ဂလန်အသင်းကလည်း အရည်အသွေးမြင့်လူငယ်တွေနဲ့ အတူ ကမ္ဘာ့အကောင်းဆုံး အသင်းဖြစ်ဖို့ ရည်ရွယ်ထားတဲ့ အသင်းဖြစ်တယ်လို့ နည်းပြဆောက်ဂိတ်က ပြောပါတယ်။  ဘယ်လ်ဂျီယံအသင်းကို ရှိန်နေမှာမဟုတ်ဘဲ ယုံကြည်မှုရှိရှိနဲ့ ယှဉ်ပြိုင်ကစားစေမှာဖြစ်ပြီး  အသင်းမှာ ဂိုးသွင်းယူနိုင်တဲ့ ကစားသမားတွေရှိသလို ခံစစ်ပိုင်းကလည်း  နောက်ဆုံး ၉ ပွဲမှာဆိုရင် ၂ဂိုးပဲ ပေးခဲ့ရတယ်လို့ နည်းပြဆောက်ဂိတ်က ပြောပါတယ်။  အင်္ဂလန်အသင်းမှာ မက်ဂွိုင်းယား၊ ကိုအာဒီ၊ ဂျိုးဂိုမက်ဇ်နဲ့ ရီဆီ ဂျိမ်းစ်တို့ လွဲချော်မှာဖြစ်ပြီး တိုက်စစ်မှူး ရက်ရှ်ဖို့ဒ်ကလည်း ပခုံးဒဏ်ရာကြောင့် လူစာရင်းကနေ နုတ်ထွက်ခဲ့ပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up