Home
အနုပညာ
ကိုဗစ်ကပ်ဘေးကာလ မြန်မာ့ရုပ်ရှင်သက်ကြီးပူဇော်ပွဲ အကျဉ်းချုံး ကျင်းပ(ဓာတ်ပုံ)
DVB
·
November 11, 2020
လတ်တလော ကူးစက်မှုတွေ မြင့်တက်နေတဲ့ ကိုဗစ်-၁၉ အန္တရာယ်ကြောင့် နှစ်စဉ် ခမ်းခမ်းနားနား ကျင်းပနေကျ မြန်မာ့ရုပ်ရှင်သက်ကြီးပူဇော်ပွဲကို အကျဉ်းချုံးသာ ကျင်းပခဲ့ရပါတယ်။ ဒီအခမ်းအနားကိုတော့ နိုဝင်ဘာ ၁၀ ရက်နေ့က မြန်မာနိုင်ငံရုပ်ရှင်အစည်း အရုံးမှာ ကျင်းပခဲ့တာဖြစ်ပြီး ကန်တော့ခံဝါရင့်သက်ကြီးအနုပညာရှင် အနည်းငယ်နဲ့သာ ကျင်းပနိုင်ခဲ့တာဖြစ်တယ်လို့ အစည်းအရုံးက သတင်းထုတ်ပြန်ထားပါတယ်။ အခုနှစ်မှာ ကျင်းပတဲ့ မြန်မာ့ရုပ်ရှင်သက်ကြီးပူဇော်ပွဲဟာ ၄၃ ကြိမ်မြောက်ထိ ရောက်ရှိလာခဲ့ပြီဖြစ်ကာ ကန်တော့ခံသက်ကြီးအနုပညာရှင် ၁၆၀ ရှိနေတာပါ။ ကိုဗစ်-၁၉ ကြောင့် အကျဉ်းချုံး ကျင်းပရတဲ့ ဒီအခမ်းအနားမှာတော့ ကန်တော့ခံ သက်ကြီးအနုပညာရှင်တွေအတွက် ရုပ်ရှင်အစည်းအရုံးက ငွေကျပ် ၂ သိန်း၊ Forever Group က ကျပ် ၅ သောင်း၊ သရုပ်ဆောင်မင်းသမီး အေးမြတ်သူက ကျပ် ၁ သိန်းစီနဲ့ လှူဖွယ်ပစ္စည်းတွေ လှူဒါန်းခဲ့ကြတာ ဖြစ်ပါတယ်။ အခမ်းအနားမတက်ရောက်နိုင်တဲ့ ကန်တော့ခံ သက်ကြီးအနုပညာရှင်တွေကိုတော့ အလှူငွေနဲ့ လှူဖွယ်ပစ္စည်းတွေကို အစည်းအရုံးမှာ နိုဝင်ဘာ ၁၁ ရက်ကစ လာရောက် ထုတ်ယူနိုင်သလို မလာရောက်နိုင်တဲ့ သက်ကြီးပညာရှင်များကိုတော့ အိမ်တိုင်ရာရောက် ပို့ဆောင်ပေးသွားမယ်လို့ အစည်းအရုံး ထုတ်ပြန်ချက်မှာ ဖော်ပြပါတယ်။ လတ်တလောမှာတော့ မြန်မာနိုင်ငံ ရုပ်ရှင်အစည်းအရုံးအနေနဲ့ မြန်မာ့ရုပ်ရှင်အကယ်ဒမီထူးချွန်ဆု ချီးမြှင့်ပွဲကိုလည်း ကိုဗစ်-၁၉ ကပ်ဘေးကြောင့် ကျင်းပနိုင်ခြင်း မရှိသေးပါဘူး။ မြန်မာနိုင်ငံမှာတော့ နိုဝင်ဘာ ၁၀ ရက် ည ၈ နာရီအထိ ကိုဗစ်-၁၉ အတည်ပြုလူ နာစုစုပေါင်း ၆၃,၂၄၁ ယောက်၊ သေဆုံးသူ ၁၄၆၁ ယောက်နဲ့ ဆေးရုံက ဆင်းခွင့်ရသူ ပေါင်း ၄၇,၄၁၁ ယောက်ရှိပြီလို့ ကျန်းမာရေးဝန်ကြီးဌာနက ထုတ်ပြန်ထားပါတယ်။ Photo : U Aye Kyu Lay
Live

About DVB

The Democratic Voice of Burma (DVB) publishes daily independent news and information across Myanmar and around the world by satellite TV and the internet. DVB was founded in 1992 and is registered as a non-profit association in Thailand.

Follow Us

© Democratic Voice of Burma 2024