အလှဖန်တီးရှင်များ ကိုဗစ်စည်းကမ်းနှင့်အညီ မြင်းစီးလှည့်လည်
DVB
·
November 3, 2020
ရန်ကုန်တိုင်း၊ ကွမ်းခြံကုန်းမြို့ပေါ်မှာ အလှဖန်တီးရှင်တွေဟာ အန်အယ်လ်ဒီပါတီကို အားပေး ဝန်းရံတဲ့အနေနဲ့ နိုဝင်ဘာ ၃ ရက်မနက်က ကျန်းမာရေးဝန်ကြီးဌာနရဲ့ ကိုဗစ်စည်းကမ်းနဲ့အညီ မြင်းတွေနဲ့ လှည့်လှည်ခဲ့ပါတယ်။
ကွမ်းခြံကုန်း၊ ကော့မှူးနဲ့ ကျိုက်ထော်က အလှဖန်တီးရှင် ၁၀ ဦးစုပေါင်းပြီး မြင်းတွေနဲ့ ကွမ်းခြံကုန်းမြို့အတွင်း လှည့်လည်ခဲ့တာပါ။
“ပါတီခေါင်းဆောင် အမေစုကို ချစ်မြတ်နိုးတဲ့အတွက် အလှဖန်တီးရှင်တွေအနေနဲ့ ၂၀၂၀မှာ လုပ်ခွင့်ရတာလေးတစ်ခုကို လုပ်လိုက်ရတာ”လို့ ဦးဆောင်ကျင်းပတဲ့ အလှဖန်တီးရှင် မိတ်ကပ်ကိုမြင့်ဦးက ပြောပါတယ်။
လှည့်လည်ရာမှာ မြင်းထိန်းအပါအဝင် လူအယောက် ၃၀ လောက်သာ ပါဝင်ပြီး ကိုဗစ် စည်းကမ်းချက်တွေနဲ့အညီ mask တပ်ပြီး ခြောက်ပေစီခြားကာ လှည့်လည်တယ်လို့ ဆိုပါတယ်။
လူစုလူဝေးမဖြစ်စေဖို့ တခြားအဖွဲ့တွေ မပူးပေါင်းစေဘဲ ကိုယ့်အဖွဲ့နဲ့သာ ပါတီကိုယ်စားပြုအရောင်တွေ ဝတ်စားဆင်ယင်ပြီး မြို့အနှံ့ မြင်းစီးလှည့်လည်ဝန်းရံခဲ့တယ်လို့ သိရပါတယ်။
သတင်း- လွင်မိုးအောင်
