ကိုဗစ်လူနာအသစ် ၁,၃၃၁ ဦးတွင် ရန်ကုန်တိုင်း ၉၆၈ ဦး၊ ပဲခူးတိုင်းက ၁၁၅ ဦးဖြင့် အများဆုံးတွေ့

မနေ့ညက ထုတ်ပြန်တဲ့ ကိုဗစ်-၁၉ ပိုးတွေ့လူနာအသစ်  ၁,၃၃၁ ယောက်ထဲမှာ ရန်ကုန်တိုင်းက ၉၆၈ ယောက်၊ ပဲခူးတိုင်းက ၁၁၅ ယောက်နဲ့ အများဆုံးပါဝင်တယ်လို့ ကျန်းမာရေးနဲ့ အားကစားဝန်ကြီးဌာနရဲ့ ဒီကနေ့ည  ၇ နာရီ ထုတ်ပြန်ချက်အရ သိရပါတယ်။ ရန်ကုန်တိုင်းက အတည်ပြုလူနာတွေထဲမှာ လှိုင်သာယာက ၉၂ ယောက်၊ မင်္ဂလာတောင်ညွန့် ၇၁၊ မင်္ဂလာဒုံ ၆၆ ယောက်၊ ကမာရွတ် ၆၅ယောက်၊ စမ်းချောင်းနဲ့ မရမ်းကုန်းက ၅၇ ယောက်စီနဲ့ အများဆုံးတွေ့ရှိခဲ့ပြီး စုစုပေါင်း မြို့နယ် ၄၂  မြို့ နယ်  ပါဝင်နေတာ ဖြစ်ပါတယ်။ တိုင်းနဲ့ ပြည်နယ်တွေအလိုက် ကိုဗစ်-၁၉ ရောဂါပိုးတွေ့ရှိမှုအနေနဲ့ ပဲခူးတိုင်း မြို့နယ် ၁၄ ခုမှာ ၁၁၅ ယောက်၊ မန္တလေးတိုင်းမြို့နယ် ၁၆ ခုမှာ ၉၂ ယောက်၊ မကွေးတိုင်းမြို့နယ် ၄ ခုမှာ ၄ ယောက်၊ ရခိုင်ပြည်နယ် မြို့နယ် ၇ ခုမှာ ၃၀ ယောက်၊ ဧရာဝတီတိုင်း မြို့နယ် ၉ ခုမှာ အယောက် ၆၀၊ မွန်ပြည်နယ် မြို့နယ် ၅ ခုမှာ ၇ ယောက်၊ စစ်ကိုင်းတိုင်း မြို့နယ် ၅ ခုမှာ ၁၈ ယောက်၊ ကရင်ပြည်နယ် ကော့ကရိတ်မြို့နယ် ၂ ယောက်၊ နေပြည်တော် မြို့နယ် ၃ ခုမှာ ၉  ယောက်၊ တနင်္သာရီတိုင်း မြို့နယ် ၄ ခုမှာ ၂၃ ယောက်၊ ချင်ပြည်နယ် ဟားခါး ၁ ယောက်၊ ရှမ်းပြည်နယ်မြောက်ပိုင်း နမ္မတူ  ၁ ယောက်၊ ရှမ်းပြည်တောင်ပိုင်း တောင်ပိုင်း ၁  ယောက်စီ အသီးသီး တွေ့ရှိခဲ့ပါတယ်။ ဓာတ်ခွဲအတည်ပြုလူနာသစ်တွေထဲမှာ အနံ့မရရှိသူ ၂၆၇ ယောက် ပါဝင်တယ်လို့ ကျန်းမာ ရေးနဲ့ အားကစားဝန်ကြီးဌာနက ထုတ်ပြန်ထားပါတယ်။   မြန်မာနိုင်ငံမှာ အောက်တိုဘာ ၂၉ ရက် ည ၈ နာရီအထိ ကိုဗစ်-၁၉ အတည်ပြုလူနာစုစုပေါင်း ၅၀,၄၀၃  ယောက်၊ သေဆုံးသူ ၁,၁၉၉ ယောက်နဲ့ ဆေးရုံက ဆင်းခွင့်ရသူပေါင်း ၃၀,၀၀၇ ယောက်ရှိပြီလို့ ကျန်းမာရေးဝန်ကြီးဌာနက ထုတ်ပြန်ထားပါတယ်။ ကမ္ဘာတဝန်းမှာတော့ ဒီနေ့ညနေအထိ ကိုဗစ်-၁၉ အတည်ပြုလူနာ ၄၅ ဒသမ ၄ သန်းကျော်၊ သေဆုံးသူ ၁ ဒသမ ၁ သန်းကျော်နဲ့ ရောဂါသက်သာပျောက်ကင်းသူ ၃၃ သန်းကျော် ရှိနေပြီ ဖြစ်ပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up