မန်ယူနဲ့အာဆင်နယ်တိုက်စစ်မှူးဟောင်း ဒယ်နီဝဲဘ်ဘက်ကို ဘရိုက်တန်အသင်းက တစ်နှစ်စာချုပ်နဲ့ ခေါ်ယူခဲ့ပါတယ်။
ပြီးခဲ့တဲ့ရာသီက ဝက်ဖို့ဒ်အသင်းမှာ ကစားခဲ့တဲ့ ဝဲလ်ဘက်ဟာ ပရီးမီးယား လိဂ်ဂိုး ၂ ဂိုး သွင်းယူနိုင်ခဲ့ပါတယ်။
ဝက်ဖို့ဒ်နဲ့ ၂ ဦး သဘောတူစာချုပ်ဖျက်သိမ်းခဲ့ပြီးနောက် အသင်းလက်မဲ့ဖြစ်နေတဲ့ ဝဲလ်ဘက်ဟာ ဘရိုက်တန်အသင်းကို တစ်ရာသီစာချုပ်နဲ့ ပြောင်းရွှေ့ခဲ့တာပါ။
ဝဲလ်ဘက်ကို ခေါ်ယူနိုင်ခဲ့လို့ ကျေနပ်မိကြောင်း၊ လျင်မြန်ပြီး နည်းစနစ်ပိုင်းဆိုင်ရာ ကောင်းမွန်တဲ့ ဝဲလ်ဘက်ဟာ အသင်းတိုက်စစ်ပိုင်းအတွက် ရွေးချယ်စရာတခု ဖြစ်လာလိမ့်မယ်လို့ ဘရိုက်တန်အသင်းနည်းပြ ဂရေဟမ်ပေါ့တာက ပြောပါတယ်။
အသက် ၂၉ နှစ်ရှိ အင်္ဂလန်တိုက်စစ်မှူးဝဲလ်ဘက်ဟာ အင်္ဂလန်အတွက် ၄၂ ပွဲအထိ ပါဝင် ကစားပေးခဲ့သူဖြစ်ပါတယ်။
