Homeသတင်းဓာတ်ပုံ
မန္တလေးမြို့ခံ ၁ ဦး နေအိမ်နံရံပေါ် ဒေါ်အောင်ဆန်းစုကြည်၏ပုံတူ ဂရပ်ဖစ်တီ ရေးဆွဲ (ဓာတ်ပုံ)
မန္တလေးမြို့ခံ ၁ ဦး နေအိမ်နံရံပေါ် ဒေါ်အောင်ဆန်းစုကြည်၏ပုံတူ ဂရပ်ဖစ်တီ ရေးဆွဲ (ဓာတ်ပုံ)
DVB
·
October 16, 2020
မန္တလေးမြို့၊ အောင်မြေသာစံမြို့နယ်၊ မင်းတဲအီကင်းရပ်ကွက်ရှိ အန်အယ်ဒီ ထောက်ခံသူတစ်ဦးရဲ့ နေအိမ်နံရံမှာ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ရဲ့ပုံကို အောက်တိုဘာ ၁၅ ရက်က လူငယ်ဂရပ်ဖစ်တီပညာရှင် MC Prince က ရေးဆွဲခဲ့ပါတယ်။
နိုင်ငံတော်၏ အတိုင်ပင်ခံပုဂ္ဂိုလ်ကို လေးစားတဲ့အနေနဲ့ရော အန်အယ်လ်ဒီကို အားပေးထောက်ခံတဲ့ အနေနဲ့ပါ အခုလို ရေးဆွဲတာဖြစ်တယ်လို့ လူငယ်ဂရပ်ဖစ်တီပညာရှင် MC Prince က ပြောပါတယ်။
အိမ်ရှင် ဒေါ်ထားနွယ်ကလည်း "အိမ်နံရံပေါ်မှာ အမေစုပုံ ရေးဆွဲတယ်ဆိုတာက အမေစုက တိုင်းပြည်အတွက် လုပ်ပေး နိုင်တယ် ဆိုတာရယ်၊ အမေစု ရေးသားခဲ့တဲ့ "ကဗျာဆိုတာ" ဆိုတဲ့ ကဗျာလေးက မှတ်သားစရာ ကောင်းတဲ့ ကဗျာလေးလည်း ဖြစ်တာကြောင့် ဖိတ်ခေါ်ရေးဆွဲဖို့ခိုင်းတာ ဖြစ်ပါတယ်"လို့ ပြောပါတယ်။
နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ရုပ်ပုံအပြင် ဒေါ်အောင်ဆန်းစုကြည် ရေးသားခဲ့တဲ့ " ကဗျာဆိုတာ " အမည်ရှိ ကဗျာကိုလည်း အိမ်နံရံပေါ်မှာ ရေးဆွဲခဲ့တာ ဖြစ်ပါတယ်။
သတင်း- သော်တာ