Homeသတင်းဓာတ်ပုံ
ကိုဗစ်-၁၉ ရောဂါကုသရေးဌာန (သုဝဏ္ဏ)ရှိ ကိုဗစ်-၁၉ လူနာ ၁၃၀ ကျော် ဆေးရုံမှဆင်း (ဓာတ်ပုံ)
ကိုဗစ်-၁၉ ရောဂါကုသရေးဌာန (သုဝဏ္ဏ)ရှိ ကိုဗစ်-၁၉ လူနာ ၁၃၀ ကျော် ဆေးရုံမှဆင်း (ဓာတ်ပုံ)
DVB
·
October 1, 2020
ရန်ကုန် သုဝဏ္ဏမှာ ဖွင့်လှစ်ထားတဲ့ ကိုဗစ်-၁၉ ရောဂါကုသရေးဌာနမှာ တက်ရောက် ဆေးကုမှုခံယူနေတဲ့ ကိုဗစ်-၁၉ အတည်ပြုလူနာဟောင်း ၁၃၀ ကျော်ကို စက်တင်ဘာ ၃၀ ရက်မှာ ဆေးရုံမှ ဆင်းခွင့်ပြုလိုက်ပြီလို့ သိရပါတယ်။
ကိုဗစ်-၁၉ ရောဂါ ကုသရေးဌာန (သုဝဏ္ဏ)မှာ ကိုဗစ်-၁၉ ရောဂါလူနာ အမျိုးသား ၁၅၇ ဦး၊ အမျိုးသမီး ၁၉၉ ဦး၊ လူနာစုစုပေါင်း ၃၅၆ ဦးကို ကုသမှုပေးနေတာဖြစ်ပြီး နေပြန်ကောင်းသွားတဲ့ အတည်ပြုလူနာဟောင်း ၁၃၀ ကျော်ကို စက်တင်ဘာ ၃၀ ရက်မှာ ဆေးရုံက ဆင်းခွင့်ပြုလိုက်တာပါ။
ကိုဗစ်-၁၉ ရောဂါ ကုသရေးဌာန (သုဝဏ္ဏ) ကို စက်တင်ဘာ ၁၉ ရက်က စတင်ဖွင့်လှစ်ခဲ့ပြီး ရွက်ဖျင်တဲတွေနဲ့ ကုသဆောင် ၄ ဆောင်၊ အထူးကြပ်မတ်ကုသခန်း (ICU) ၄ ခန်းနဲ့ စတင်ခဲ့ပြီး အခုလက်ရှိမှာ လူနာ ၅၇၀ အထိ လက်ခံကုသနိုင်ပြီ ဖြစ်ပါတယ်။
ကိုဗစ်-၁၉ ကုသရေးဌာန (သုဝဏ္ဏ) မှာ ဆရာဝန် ၁၆ ဦး၊ သူနာပြု ၂၂ ဦး၊ မြန်မာနိုင်ငံကြက် ခြေနီအသင်းဝင် ၃၀ နဲ့ စေတနာ့ဝန်ထမ်း ၁၀၀ ကျော်နဲ့ ကုသရေးလုပ်ငန်းတွေ ဆောင်ရွက်ပေးနေတာ ဖြစ်ပါတယ်။
ကိုဗစ်-၁၉ ရောဂါကုသ ရေးဌာန (သုဝဏ္ဏ) ကို သုဝဏ္ဏ မြက်ခင်းပြင်ဘောလုံးကွင်းမှာ စက်တင်ဘာ ၁၂ ရက်က စတင်တည်ဆောက်ခဲ့တာဖြစ်ပြီး လိုအပ်တဲ့ ပစ္စည်းကိရိယာတွေ၊ ဆေးဝါးတွေအပါအဝင် ကုသမှုခံယူမယ့် လူနာတွေနဲ့ ကုသရေးတာဝန်ရှိသူတွေရဲ့ နေထိုင်စားသောက်ရေးတို့ကို ဧရာဝတီဖောင်ဒေးရှင်းက ပံ့ပိုးပေးနေတယ်လို့ သိရပါတယ်။
Photo - MPA
