Email This Story :
ရခိုင်ပြည်နယ်၊ အစိုးရအဖွဲ့ရုံးရှေ့မှာ ဆန္ဒဖော်ပြခဲ့တဲ့ ရက္ခိုင်ပြည်ကျောင်းသားသမဂ္ဂ အဖွဲ့ဝင် ကျောင်းသား ၃ ဦး စက်တင်ဘာ ၂၂ ရက် မွန်းလွဲပိုင်းက စစ်တွေမြို့နယ်တရားရုံးကနေ အာမခံနဲ့ ပြန်လွတ်လာပါတယ်။
ပြန်လွတ်လာသူတွေကတော့ စစ်တွေကျောင်းသားသမဂ္ဂ ဥက္ကဋ္ဌ ကိုတိုးတိုးအောင်၊ ရက္ခိုင်ပြည်ကျောင်းသားသမဂ္ဂ သတင်းနဲ့ပြန်ကြားရေးတာဝန်ခံ ကိုကျော်နိုင်ဌေးနဲ့ စစ်တွေကွန်ပျူတာတက္ကသိုလ်က ပြန်ကြားရေးတာဝန်ခံ ကိုသန်းနိုင်တို့ ဖြစ်ပါတယ်။
သူတို့ ၃ ဦးဟာ သဘာဝဘေးအန္တရာယ်ဆိုင်ရာ စီမံခန့်ခွဲမှု ဥပဒေ ပုဒ်မ- ၂၅ နဲ့ စွဲချက်မတင်မီ လွတ်မြောက်လာခဲ့ပေမယ့် ငြိမ်းစုစီဥပဒေ ပုဒ်မ- ၁၉ နဲ့ စွဲချက်တင်ခံရတာဖြစ်လို့ အာမခံရရှိခဲ့တာဖြစ်ပြီး ပြင်ပကနေ အမှုကို ဆက်လက်တရား ရင်ဆိုင်ရမှာဖြစ်ပါတယ်။
ရခိုင်ကျောင်းသား ၃ ဦးဟာ စက်တင်ဘာ ၉ ရက်က စစ်တွေမြို့ရှိ ရခိုင်ပြည်နယ်အစိုးရအဖွဲ့ရုံးရှေ့မှာ “ဖက်ဆစ်လူသတ်ဝါဒဆန့်ကျင်ကြ၊ သွေးစွန်းတဲ့အစိုးရအလိုမရှိ၊ လူသတ်စစ်တပ် အလိုမရှိ၊ ပြည်နယ်အစိုးအားအလိုမရှိ၊ 4G အင်တာနက်ပြန်လည်ရရှိရေး” စတဲ့ အချက်တွေကို တောင်းဆိုဆန္ဒဖော်ထုတ်ခဲ့ကြတာ ဖြစ်ပါတယ်။
Photo – Morn Hteet / MPA
