Homeမြန်မာသတင်းကိုဗစ်-၁၉ ရောဂါဖြင့် သေဆုံးသူ ၇ ဦးထပ်တိုးလာ
ကိုဗစ်-၁၉ ရောဂါဖြင့် သေဆုံးသူ ၇ ဦးထပ်တိုးလာ
ကိုဗစ်-၁၉ ရောဂါနဲ့ နောက်ထပ် သေဆုံးသူ ၇ ဦးထပ်တိုးလာပြီး မြန်မာနိုင်ငံမှာ ကိုဗစ်-၁၉ နဲ့ သေဆုံးသူ စုစုပေါင်း ၆၈ ဦးရှိသွားပြီလို့ ကျန်းမာရေးနဲ့ အားကစားဝန်ကြီးဌာနရဲ့ ဒီနေ့ ညနေ ၄ နာရီ ထုတ်ပြန်ချက်အရ သိရပါတယ်။
သေဆုံးသွားသူတွေက ရန်ကုန်အရှေ့ပိုင်း ဆေးရုံကြီးက အသက် ၇၀ အရွယ် အမျိုးသား ၁ ဦး၊ ရန်ကုန်ပြည်သူ့ဆေးရုံကြီးက ၅ ဦး၊ မြောက်ဥက္ကလာ အထွေထွေရောဂါကုဆေးရုံကြီးက အသက် ၄၄ နှစ်အရွယ် အမျိုးသား ၁ ဦးတို့ ဖြစ်ပါတယ်။
ရန်ကုန်ပြည်သူ့ဆေးရုံကြီးမှာ ကုသမှုခံယူနေတဲ့ ၆၁ နှစ်အရွယ် လူနာအမှတ် ၃၇၆၇ (ကျား)၊ ၇၅ နှစ်အရွယ် လူနာအမှတ် ၄၀၂၀ (မ)၊ ၆၂ နှစ်အရွယ် လူနာအမှတ် ၄၀၃၀ (ကျား)၊ ၇၅ နှစ်အရွယ် လူနာအမှတ် ၄၀၄၉ (ကျား) နဲ့ ၄၈ နှစ်အရွယ် လူနာအမှတ် ၄၀၅၇ (မ) တို့ သေဆုံးသွားခဲ့ပါတယ်။
မြန်မာနိုင်ငံမှာ ဒီနေ့ညနေ ၄ နာရီအထိ ကိုဗစ်-၁၉ အတည်ပြုလူနာပေါင်း ၄,၂၉၉ ဦး၊ သေဆုံးသူ ၆၈ ဦး ၊ ဆေးရုံမှ ဆင်းခွင့်ပြုခဲ့သူ ၉၄၄ ဦးနဲ့ စောင့်ကြည့်လူနာအသစ် ၃၀၅ ဦးရှိပါတယ်။ 
