ဆက်သွယ်ရေး တင်ဒါရွေးချယ်မှုနှင့်ပတ်သက်ပြီး ကော်မတီဥက္ကဋ္ဌကို မေးမြန်းချက်
DVB
·
June 27, 2013
မြန်မာ့ဆက်သွယ်ရေးစနစ်လမ်းကြောင်းတွေ ပိုမိုကောင်းမွန်လာစေဖို့ ပြည်ပက ထိပ်တန်းဆက်သွယ်ရေးကုမ္ပဏီကြီးတွေကို ဆက်သွယ်ရေးအော်ပရေတာ လုပ်ကိုင်ခွင့်အတွက် တင်ဒါကို သတ်မှတ်ရက်ဖြစ်တဲ့ ဇွန် ၂၇ ရက်နေ့မှာ အပြီးသတ်ရွေးချယ်ခဲ့ပါတယ်။
တင်ဒါရရှိဖို့အတွက် ဆက်သွယ်ရေးကုမ္ပဏီကြီး ၁၁ ခုတို့က အပြိုင်အဆိုင် လျှောက်ထားမှုရှိခဲ့ပြီး ဒီ ၁၁ ခုထဲကအနက် နော်ဝေက တယ်လီနော်ကုမ္ပဏီနဲ့ ကာတာက အော်ရီဒူးကုမ္ပဏီတွေတို့ ရွေးချယ်ခံခဲ့ရပါတယ်။
ဒီကုမ္ပဏီတွေကို ရွေးချယ်ခဲ့ရတဲ့အကြောင်းနဲ့ ပတ်သက်လို့ တင်ဒါရွေးချယ်ရေးကော်မတီ ဥက္ကဋ္ဌတဦးလည်း ဖြစ်တဲ့အပြင် အမျိုးသားစီမံကိန်းနဲ့ စီးပွားရေးဖွံ့ဖြိုးတိုးတက်မှု ၀န်ကြီးဌာနက ပြည်ထောင်စုဒုဝန်ကြီး ဦးဆက်အောင်နဲ့ ဆက်သွယ်မေးမြန်းထားတာကို အသံဖိုင်မှာ နားဆင်နိုင်ပါတယ်။
