ရခိုင်တွင် 4G အင်တာနက် ပြန်ဖွင့်ပေးရေး ဗကသကျောင်းသားများ မန္တလေးမြို့၌ ဆန္ဒပြ

ရခိုင်ပြည်နယ်မှာ 4G အင်တာနက် ပြန်ဖွင့်ပေးဖို့ ဗကသ ကျောင်းသားတွေက ဒီနေ့ မနက် မန္တလေးမြို့မှာ တောင်းဆို ဆန္ဒထုတ်ဖော်ကြပါတယ်။

ကျောင်းသားတွေ “ဖက်ဆစ် လူသတ်ဝါဒဆန့်ကျင် ကြ” ၊ “ဗိုလ်ချုပ်ပေးတဲ့ စစ်ပညာ ပြည်သူတွေကိုသတ်ဖို့မဟုတ်ဘူး”၊ စစ်အာဏာရှင် စနစ် မုချကျဆုံးရမည်” စတဲ့  ဆိုင်းဘုတ်တွေ ကိုင်ဆောင်ဆန္ဒထုတ်ဖော်ခဲ့တာဖြစ်ပါတယ်။

မနေ့ကလည်း စစ်တွေမြို့မှာ  4G အင်တာနက် ပြန်ဖွင့်ပေးရေး တောင်းဆိုဆန္ဒပြတဲ့ ရခိုင် ကျောင်းသားသမဂ္ဂအဖွဲ့ဝင် ၃ ဦးဖမ်းဆီးခံရပါတယ်။

အစိုးရက စစ်တွေမြို့မှာ  3G အင်တာနက်စနစ်နဲ့ တခြားမြို့နယ်တွေမှာ  2G  အင်တာနက် စနစ် ပြန်ဖွင့်ပေးထားပါတယ်။   ရခိုင်ပြည်နယ်မှာ  တိုက်ပွဲတွေဖြစ်နေတာကြောင့် ဆက်သွယ်ရေးအော်ပရေတာတွေအနေနဲ့  တာဝါတိုင်တွေမှာ  4G အင်တာနက် စနစ်ပြောင်းလဲတပ်ဆင်တဲ့ လုပ်ငန်းတွေ လုပ်ဖို့ အခက်အခဲရှိနေတယ်လို့ သမ္မတရုံး ပြောခွင့်ရသူ ဦးဇော်ဌေးက ပြောထားပါတယ်။ 

Photo-Kaung Zaw Hein/ MPA