ဓာတ်ခွဲနမူနာ ၁,၂၉၁ ခုတွင် ကိုဗစ်-၁၉ လူနာသစ်မတွေ့၊ ပိုးကင်းစင်လာသူ ၃၁၁ ဦးရှိပြီ

ဓာတ်ပုံ-Ministry of Health and Sports, Myanmar
သြဂုတ် ၈ ရက်နေ့အတွက် ဓာတ်ခွဲနမူနာ ၁,၂၉၁ ခုအား နှစ်သုတ်ခွဲစစ်ဆေးချက်အရ ကိုဗစ်-၁၉ အတည်ပြုလူနာသစ်မတွေ့ရဘဲ ရောဂါပိုးကင်းစင်လာသူ ၃၁၁ ဦး ရှိပြီလို့ ကျန်းမာရေး ဝန်ကြီးဌာနက ဒီနေ့မနက် ထုတ်ပြန်ပါတယ်။ အမျိုးသားကျန်းမာရေးဓာတ်ခွဲမှုဆိုင်ရာဌာန (ရန်ကုန်) က ဓာတ်ခွဲနမူနာ ၆၀၃ ခု၊ ဆေးသုတေသနဦးစီးဌာနက  ၇၇ ခု၊ ပြည်သူ့ကျန်းမာရေးဓာတ်ခွဲမှုဆိုင်ရာဌာန (မန္တလေး) က ၁၈၈ ခု၊ ပြည်သူ့ကျန်းမာရေးဓာတ်ခွဲမှုဆိုင်ရာဌာန (မော်လမြိုင်) က ဓာတ်ခွဲနမူနာ ၃၂၀၊ ရန်ကုန်မြို့၊ အမှတ် (၁) တပ်မတော်ဆေးရုံကြီး ခုတင် (၁၀၀၀) က ၁၀၃ ခု၊ စုစုပေါင်း ၁,၂၉၁ ခုအား စစ်ဆေးခဲ့ပါသည်။ မြန်မာနိုင်ငံမှာ ဒီနေ့မနက် ၈ နာရီအထိ ကိုဗစ်-၁၉ အတည်ပြုလူနာ ၃၅၉ ဦး၊ သေဆုံးသူ ၆ ဦး၊ ရောဂါပိုးကင်းစင်လာသူ ၃၁၁ ဦးထဲက ဆေးရုံဆင်းခွင့်ပြုခဲ့ပြီးသူ ၃၀၂ ဦးနဲ့ စောင့်ကြည့်လူနာအသစ် ၁၆ ဦးရှိတယ်လို့ ကျန်းမာရေးဝန်ကြီးဌာနက ထုတ်ပြန်ထားပါတယ်။ ကမ္ဘာတဝန်းမှာတော့ ဒီနေ့မနက်ပိုင်းအထိ ကိုဗစ်-၁၉ အတည်ပြုလူနာ ၁၉ သန်းကျော်၊ သေဆုံးသူ  ၇၃၀၀၀၀ ခန့်နဲ့ ရောဂါပိုးကင်းစင်လာသူ ၁၂ သန်းကျော်ရှိပြီလို့ သိရပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up