A d v e r t i s e m e n t With Us

လူမည်းအားကစားသမားများအပေါ် ရဲတပ်ဖွဲ့လုပ်ရပ် လန်ဒန်ရဲမင်းကြီးတောင်းပန်

ဗြိတိန်ရဲတွေက လူမည်းအားကစားသမား ၂ ယောက်ကို ကားထဲကနေ ဆွဲထုတ်ခဲ့ပြီး လက်ထိတ်ခတ်ခဲ့တဲ့ ကိစ္စအတွက် လန်ဒန်မြို့တော် ရဲမင်းကြီး ခရက်စီဒါဒစ်ခ်က ဇူလိုင် ၈ ရက်မှာ တောင်းပန်လိုက်ပါတယ်။  ဗြိတိန်နဲ့ပေါ်တူဂီနိုင်ငံသား လူမည်း တာတိုအပြေးသမား ၂ ယောက် လေ့ကျင့်ရာက အိမ် အပြန် လန်ဒန်အနောက်ပိုင်း မိုင်ဒါဗေးလ်အရပ်မှာ ဇူလိုင် ၄ ရက်က ရဲက ဟန့်တားခဲ့တာပါ။  ဓနသဟာယ ရွှေတံဆိပ်ဆုရှင် ဝီလျံမ်စ်ကို ရဲက လက်ထိပ်ခတ်ခဲ့ပြီး သူတို့ရဲ့ သားလေးက ကားထဲမှာ ကျန်ခဲ့တဲ့ဖြစ်ရပ်ကို ရုပ်သံရိုက်ကူးနိုင်ခဲ့ပါတယ်။  ရဲက ကားထဲကနေ ဆွဲထုတ်ခံရတဲ့ အားကစားသမား ၂ ယောက်စလုံးရဲ့ နည်းပြ နဲ့ အိုလံပစ် ရွှေတံဆိပ်ဆုရှင် လင်ဖော့ဒ်ခရစ္စတီးက ရုပ်သံကို တွစ်တာလူမှုကွန်ရက်ပေါ်တင်ခဲ့ပြီး လန်ဒန် ရဲတပ်ဖွဲ့ဟာ လူမျိုးရေးခွဲခြားမှုကို အဖွဲ့လိုက် ကျူးလွန်နေတယ်လို့ စွပ်စွဲ ခဲ့ပါတယ်။  ရဲတပ်ဖွဲ့ရဲ့ လူမျိုးရေးခွဲခြားမှုအပေါ် တကမ္ဘာလုံးက ဆန့်ကျင်ဆန္ဒပြနေချိန်မှာ အလားတူ စွဲချက်ထပ်ပြီး ပေါ်ထွက်ခဲ့တာပါ။ အကြီးတန်းအရာရှိက စိတ်အနှောင့်အယှက်ဖြစ်ရသူ ဝီလျံကို တောင်းပန်ခဲ့ပြီးပြီ လက်ထိပ်ခတ်မှုအတွက် ပြန်သုံးသပ်နေတယ်လို့ ရဲမင်းကြီးက ဆက်ပြောပါတယ်။  ဝီလျံဆီကိုတော့ မှတ်ချက်တောင်းဖို့ ဆက်သွယ်လို့ မရသေးပါဘူး။  ကိုလိုနီကျွန်ပြုမှုနဲ့ ကျွန်ကုန်သွယ်ရေးလုပ်ငန်း ထွန်းကားဖူးရာ ဗြိတိန်မှာ လူမည်းရဲ့အသက်လည်း အရေးပါတယ်လို့ နာမည်ပေးထားတဲ့ ဆန္ဒပြပွဲတွေ နိုင်ငံတဝန်း ဖြစ်ပေါ်နေချိန်မှာ ဒီဖြစ်ရပ် ပေါ်ပေါက်ခဲ့တာပါ။

A d v e r t i s e m e n t With Us

More News
Up