မဲဆောက်တွင် နယ်စပ်ဖြတ်ကျော်သွားလာခွင့်စာအုပ်သက်တမ်းကုန် တရုတ် ၃ ဦး ဖမ်းဆီးခံရ

မြန်မာ-ထိုင်းနယ်စပ် တာခ်ရိုင် မဲဆောက်မြို့မှာ နယ်စပ်ဖြတ်သွားလာခွင့် စာအုပ် သက်တမ်းကုန်နေတဲ့ တရုတ်နိုင်ငံသား ၃ ဦးကို ထိုင်းတာဝန်ရှိသူတွေက ဇူလိုင် ၈ ရက်နေ့ မနက်ပိုင်းမှာ ဖမ်းဆီးမိခဲ့ပါတယ်။ ထိုင်းနိုင်ငံ မဲဆောက်အထွက် စုပေါင်းဂိတ်မှာ ကားမောင်းပြီး ဝင်လာတဲ့ သူတို့ ၃ ဦးကို ထိုင်းစစ်တပ်၊ လဝကနဲ့ အုပ်ချုပ်ရေးပိုင်းအပါအဝင် ပူးပေါင်းအဖွဲ့က စစ်ဆေးရာမှာ နေထိုင်ခွင့်စာအုပ်သက်တမ်း ရက် ၁၀၀ ကျော်လွန်နေတဲ့အတွက် ဖမ်းဆီးခံခဲ့ရတာလို့ သိရပါတယ်။  ကိုဗစ်-၁၉ ကပ်ရောဂါ ကာလအတွင်း စာအုပ်သက်တမ်းတိုးဖို့ သွားလာရေး အဆင်မပြေတာကြောင့် သက်တမ်းကုန်သွားတာလို့ ဖမ်းဆီးခံရသူတွေက ပြောကြားခဲ့တယ်လို့ သိရပါတယ်။ ဖမ်းဆီးမိတဲ့ တရုတ်နိုင်ငံသား ၃ ဦးကို တရားမဝင် နိုင်ငံခြားသား ဥပဒေ နဲ့ အရေးယူပေးဖို့ ထိုင်းလဝကက မဲဆောက်မြို့ရဲစခန်းမှာ အမှုဖွင့်ထားတယ်လို့ သိရပါတယ်။  ထိုင်းနိုင်ငံအတွင်း စာအုပ်သက်တမ်းကုန်တဲ့ တရုတ်နိုင်ငံသားတွေကို ဖမ်းဆီးမိနေသလို ထိုင်း-မြန်မာနယ် မြဝတီမြို့မှာလည်း  ဖမ်းဆီးရမိနေတယ်လို့ သိရပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up