တကျော့ပြန် ကိုရိုနာကြောင့် ပေကျင်းတက္ကသိုလ် ဆရာများနှင့်ကျောင်းသားများကို ဆေးစစ်

တရုတ်နိုင်ငံမြို့တော်ပေကျင်းမှာ ကိုရိုနာဗိုင်းရပ်စ် တကျော့ပြန် ကူးစက်နေလို့ ဇွန်လ ၂၇ ရက်က  တက္ကသိုလ်ဆရာတွေနဲ့ ကျောင်းသားတွေ အများအပြားကို ကိုရိုနာဗိုင်းရပ်စ် ကူးစက်ခံထားရမှု ရှိ ၊ မရှိ စစ်ဆေးနေပါတယ်။  စစ်ဆေးမှုတွေမှာ ဆေးတက္ကသိုလ် ၂၀ လောက်က လူတွေက ပါဝင်ကူညီခဲ့ကြပါတယ်။ ပေကျင်းတက္ကသိုလ်တွေ၊ ကောလိပ်တွေနဲ့ကျောင်းတွေမှာ ကျောင်းသားအားလုံးနဲ့ ဝန်ထမ်း တွေ အားလုံးကို စစ်ဆေးသွားမှာပါ။ လက်ရှိ စစ်ဆေးပေးရမယ့် အရေအတွက်က လူ ၁ သိန်းလောက်ရှိပါတယ်။  ဒီထဲက ၇၀ ရာခိုင်နှုန်းက ဆရာတွေ ဖြစ်ပြီး ကျောင်းသားအများစုကတော့ ကျောင်းပြန်တက်မယ့်သူတွေ ဖြစ်ပါတယ်။  ပေကျင်းမြို့တော်မှာ ရှင်ဖာဒီလက်ကားဈေးကြီးထဲ ဇွန်လ ၁၁ ရက်က ကိုဗစ်-၁၉ အတည်ပြုလူနာတွေ တအုပ်စုတည်း စတွေ့ရပြီးနောက်  မြို့တော်နေ ပြည်သူအားလုံးကို ဆေးစစ်ဖို့ ပြင်ဆင်ခဲ့တယ်လို့ ရိုက်တာသတင်းက ဖော်ပြပါတယ်။ တရုတ်နိုင်ငံမှာ ဒီနေ့မနက်ပိုင်းအထိ ကိုဗစ်-၁၉ အတည်ပြုလူနာ ၈၃၅၀၀ ဦးနဲ့သေဆုံးသူ ၄၆၃၄ ဦးရှိတယ် worldometers ဝက်ဆိုက်မှာ ဖော်ပြထားပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up