ဓာတ်ခွဲနမူနာ ၁၁၃၁ ခုအား စစ်ဆေးချက်အရ ကိုဗစ်-၁၉ လူနာသစ် မတွေ့

ဇွန် ၂၃ ရက်နေ့အတွက် ဒုတိယသုတ်အဖြစ် ဓာတ်ခွဲနမူနာ ၁၁၃၁ ခုအား စစ်ဆေးချက်အရ ကိုဗစ်-၁၉ အတည်ပြုလူနာသစ် မတွေ့ဘူးလို့ ကျန်းမာရေးနှင့်အားကစားဝန်ကြီးဌာနက ဒီနေ့မနက် ထုတ်ပြန်ပါတယ်။ အမျိုးသားကျန်းမာရေးဓာတ်ခွဲမှုဆိုင်ရာဌာန (ရန်ကုန်) (NHL) က ဓာတ်ခွဲ နမူနာ ၈၆၁ ခု၊ ပြည်သူ့ကျန်းမာရေးဓာတ်ခွဲမှုဆိုင်ရာဌာန(မန္တလေး) က ဓာတ်ခွဲနမူနာ ၂၇၀ ၊ စုစုပေါင်း ၁,၁၃၁ ခု အား ဒီနေ့မနက် အစောပိုင်း စစ်ဆေးပြီးစီးခဲ့တာပါ။ မနေ့ညက ပထမသုတ်အဖြစ် ဓာတ်ခွဲနမူနာ ၈၆၆ ခုကို စစ်ဆေးရာမှာတော့ လူနာသစ် ၁ ဦး တွေ့ရှိခဲ့ပါတယ်။ အဆိုပါလူနာသစ်ဟာ အသက် ၃၈ အရွယ် ဘင်္ဂလားဒေ့ရှ်နိုင်ငံက ပြန်လာတဲ့ အမျိုးသားတဦးဖြစ်ပြီး စစ်တွေမြို့နယ်မှာ  အသွားအလာကန့်သတ် စောင့်ကြည့်ခံထားရသူဖြစ်ပါတယ်။ မြန်မာနိုင်ငံမှာ ဇွန်လ ၂၃ ရက် မနက် ၈ နာရီအထိ ကိုဗစ်-၁၉ ရောဂါ ဓာတ်ခွဲ အတည်ပြုလူနာ ၂၉၂ ဦး၊ သေဆုံးသူ ၆ ဦး၊ ရောဂါပိုးကင်းစင်သူ  ၂၀၄  ဦးရှိပြီး ဒီအထဲက  ဆေးရုံကဆင်းခွင့်ပြုခဲ့သူ ၁၉၀ ဦး ရှိသွားပြီဖြစ်ပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up