ပြီးခဲ့တဲ့ မေလ ၉ ရက်နဲ့ ၁၀ ရက်နေ့တွေမှာ အစိုးရ ငြိမ်းချမ်းရေးဖော်ဆောင်မှု လုပ်ငန်းကော်မတီ ဒုဥက္ကဋ္ဌ ဦးသိန်းဇော်ဟာ ကော်မတီဝင်တချို့၊ လွှတ်တော်အမတ်တချို့ နဲ့အတူ ၀ ဒေသနဲ့ မိုင်းလားဒေသကို ငြိမ်းချမ်းရေးဆွေးနွေးပွဲတွေ လုပ်ဖို့ သွားရောက်ခဲ့ပါတယ်။ ဆွေးနွေးပွဲတွေအပြီး နှစ်ဖက် ကိုယ်စားလှယ်တွေ တယောက်နဲ့ တယောက် လက်ချင်းချိတ် ဓာတ်ပုံတွေ အရိုက်ခံခဲ့ကြပေမယ့် တကယ့်တကယ် ထူးခြားတဲ့ သဘောတူညီချက်တွေ ရခဲ့ကြပါရဲ့လား၊ ငြိမ်းချမ်းရေးအတွက် ရှေ့ကို ခြေတလှမ်း တိုးနိုင်ပါရဲ့လား ဆိုတာ မေးခွန်းထုတ်စရာ ဖြစ်နေပါတယ်။
ဝ ပြည် သွေးစည်းညီညွတ်ရေးပါတီ နဲ့ ဆွေးနွေးပွဲမှာ ၀ ဘက်က ပါတီ ဒုဥက္ကဋ္ဌ ဦးရှောက်မင်လျှံနဲ့ ဦးပေါက်ယူရိတို့ တက်ပါတယ်။ ဒါပေမယ့် နှစ်ဘက်သဘောတူ ဘာကြေညာချက်မှ မထုတ်နိုင်ပါဘူး။ ၀ တပ်ဖွဲ့ဘက်က တောင်းဆိုတာတွေကို အထက်ကို ပြန်တင်ပြမယ် ဆိုပြီးတော့သာ ဦးသိန်းဇော်က အဖြေပေးခဲ့တာနဲ့ အဆုံးသတ်ခဲ့ပါတယ်။ အဲဒီ ဆွေးနွေးပွဲမှာ ၀ ဘက်က ကျယ်ကျယ်ပြန့်ပြန့် သတင်းဖြစ်နေတဲ့ တိုက်ခိုက်ရေး ရဟတ်ယာဉ်တွေ ကိစ္စ ဖြေရှင်းခဲ့ပြီး အစိုးရဘက်ကို အချက် ၃ ချက် တောင်းဆိုခဲ့ပါတယ်။
တိုက်ခိုက်ရေး ရဟတ်ယာဉ်တွေနဲ့ ပတ်သက်လို့ သတင်းတွေဖြစ်နေသလို သူတို့အနေနဲ့ ရဟတ်ယာဉ်တွေ ၀ယ်တာ မဟုတ်တဲ့အကြောင်း၊ အခြေခံ ဗဟုသုတ နည်းပါးတဲ့ ဒေသခံပြည်သူတွေ လေ့လာကြည့်ရှုဖို့ စက်မပါတဲ့ ရဟတ်ယာဉ် ၁ စီး၊ လေယာဉ်ငယ် ၁ စီး၊ သင်္ဘော ၁ စီး စီ ထိုင်းနိုင်ငံဘက်ကနေ ၀ယ်ထားတဲ့အကြောင်း၊ လာအိုကနေ တဆင့် ကားနဲ့ သယ်ပြီး လက်ရှိ ၀ မြောက်ပိုင်း မိုင်းမော ဒေသမှာ ရှိတဲ့အကြောင်း ဓာတ်ပုံအထောက်အထား တွေနဲ့ ရှင်းပါတယ်။
ဝ အဖွဲ့ဘက်က တောင်းဆိုချက်တွေထဲက အရေးအကြီးဆုံး အချက်ကတော့ လက်ရှိ ဖွဲ့စည်းပုံအခြေခံဥပဒေထဲမှာ ၀ ဒေသကို “၀ ကိုယ်ပိုင်အုပ်ချုပ်ခွင့်ရ တိုင်း” အဖြစ် သတ်မှတ်ထားရာကနေ “၀ ကိုယ်ပိုင်အုပ်ချုပ်ခွင့်ရ ပြည်နယ်”အဖြစ် သတ်မှတ်ပေးဖို့၊ ဒီလို သတ်မှတ်ပေးနိုင်ဖို့ အတွက် အခြေခံဥပဒေကို ပြန်ပြီး သုံးသပ်ပေးဖို့ ဖြစ်ပါတယ်။ တကယ်တော့ လက်ရှိ အခြေအနေ ၀ ကိုယ်ပိုင်အုပ်ချုပ်ခွင့်ရ တိုင်း ဆိုတာကိုတောင် အစိုးရက အကောင်အထည် ဖော်ပေးသေးတာ မဟုတ်ပါဘူး။ ၂၀၁၀ ရွေးကောက်ပွဲ အကြိုကာလက ရွေးကောက်ပွဲ ကော်မရှင်ဟာ ၀ ကိုယ်ပိုင်အုပ်ချုပ်ခွင့်ရ တိုင်း ဖွဲ့စည်းမယ့် မြို့နယ် တချို့ကို ပြည်နယ်လွှတ်တော် မဲဆန္ဒနယ်မြေတွေ သတ်မှတ်ရာမှာ တမင်ချန်လှပ်ထားခဲ့ပါတယ်။ ဒီအတွက် ၀ ကိုယ်ပိုင်အုပ်ချုပ်ခွင့်ရ တိုင်း ဆိုတာလည်း ဖွဲ့စည်းနိုင်ခြင်း မရှိတော့ပါဘူး။
အခု လက်ရှိ ၀ အဖွဲ့က ၀ ဒေသ ကို ကိုယ်ပိုင်အုပ်ချုပ်ခွင့်ရ ပြည်နယ် သတ်မှတ်ပေးဖို့ တောင်းဆိုလာတဲ့အခါ ဖွဲ့စည်းပုံအခြေခံဥပဒေ အခန်း ၂ ပါ ပြဋ္ဌာန်းချက်တွေအတိုင်း အကောင်အထည် ဖော်ရပါမယ်။ ဒါတင်မက တိုင်းနဲ့ ပြည်နယ် စာရင်းမှာပါတဲ့ အခြေခံဥပဒေ ပုဒ်မ ၄၉ ကို ပြင်ဖို့ ပြည်လုံးကျွတ်ဆန္ဒခံယူပွဲ ကျင်းပပြီး အတည်ပြုချက်ရယူရ ပါဦးမယ်။ ပြောရရင် ဖွဲ့စည်းပုံလမ်းကြောင်းအတိုင်း သွားရင် ၀ ဒေသ ကို ပြည်နယ် သတ်မှတ်ပေးဖို့ မလွယ်ကူပါဘူး။
ဝ အဖွဲ့က နောက်ထပ် တောင်းဆိုတာက သူတို့ စီးပွားရေးဆိုင်ရာ အဖွဲ့အစည်းတွေကို အရင် ၁၉၈၉ နောက်ပိုင်း အပစ်အခတ် ရပ်စဲထားစဉ်တုန်းကလို ၀ နယ် ပြင်ပ မြန်မာပြည် အရပ်ရပ်မှာ လုပ်ပိုင်ခွင့် အခွင့်အရေးတွေ ပေးဖို့ပါ။ ၀ တပ်ဖွဲ့အပေါ်ကို စစ်အစိုးရရဲ့ နယ်ခြားစောင့်တပ်ဖွဲ့ရေး ဖိအားပေးမှုတွေ လုပ်မလာခင်၊ ခုလို စစ်ရေးတင်းမာမှုတွေ ဖြစ်မလာခင် အချိန်အထိ ၀ တပ်ဖွဲ့ပိုင် ကုမ္ပဏီတွေနဲ့ စီးပွားရေး အဖွဲ့အစည်းတွေ၊ တရုတ်နဲ့ ဖက်စပ်လုပ်ထားတဲ့ ကုမ္ပဏီနဲ့ စီးပွားရေး အဖွဲ့အစည်းတွေအားလုံး မြန်မာပြည်ထဲမှာ စီးပွားရေး လုပ်ခွင့်ရခဲ့ပါတယ်။ ကျောက်စိမ်း၊ ကျောက်မျက်တူးတာ၊ ရွှေရှာတာ၊ သစ်ထုတ်တာ၊ ကုန်ကူးတာ အပါအ၀င် လုပ်ငန်းပေါင်းစုံ လုပ်ခွင့်ရခဲ့ပါတယ်။ နယ်ခြားစောင့်တပ်ဖွဲ့ရေး ၀ တပ်ဖွဲ့ဘက်က ငြင်းဆန်ခဲ့ပြီးတဲ့နောက် စစ်အစိုးရဘက်က ၀ တွေရဲ့ စီးပွားရေး လုပ်ခွင့်အားလုံး ရုပ်သိမ်းလိုက်ပါတယ်။ ဒီအတွက် ၀ နယ်ပြင်ပ မြန်မာပြည်ထဲမှာ လက်ရှိ ဘာစီးပွားရေး လုပ်ငန်းမှ မကျန်တော့တဲ့ အခြေအနေ ရောက်သွားရတာ ဖြစ်ပါတယ်။
ဝ အဖွဲ့ နောက်ဆုံးတောင်းဆိုတာကတော့ စစ်ရေးနဲ့ ဖိအားမပေးဖို့ပါ။ အခုနောက်ပိုင်း အစိုးရတပ်ဟာ ကချင်တွေကို လေယာဉ်တွေ၊ တိုက်ခိုက်ရေး ရဟတ်ယာဉ်တွေသုံးပြီး တိုက်ခိုက်တာ၊ ၀ နယ်ကို နေရာယူ ခြိမ်းခြောက်ဖို့အတွက် အက်စ်အက်စ်အေ မြောက်ပိုင်း တပ်တွေကို ထိုးစစ်ဆင် တိုက်ခိုက်တာတွေကိုလည်း သဘောကျပုံ မရပါဘူး။ နောက် သူတို့ မဟာမိတ် ကိုးကန့်ဒေသကို စစ်တပ်က တိုက်ခိုက်သိမ်းပိုက်လိုက်တာလည်း ဘာမှ မကြာသေးပါဘူး။ ဒီ အခြေအနေတွေအောက်မှာ အစိုးရကို စစ်ရေးနဲ့ ဖိအားမပေးဖို့ တောင်းဆိုလိုက်တာပါ။ ဒီအတွက် အစိုးရ ငြိမ်းချမ်းရေး ကိုယ်စားလှယ် ဦးသိန်းဇော်တို့ဘက်ကတော့ ဘာ အဖြေမှ မပေးနိုင်ပါဘူး။ အထက်ကို ဆက်ပြီး တင်ပြပေးမယ် ဆိုတာလောက်နဲ့ပဲ ပြန်လှည့်ခဲ့ကြရပါတယ်။ ဒါကိုကြည့်ရင် ၀ အဖွဲ့နဲ့ အစိုးရကြားက ငြိမ်းချမ်းရေး တည်ဆောက်နိုင်ဖို့ အလှမ်းဝေးနေဦးမယ့် အပြင် စစ်ရေးတင်းမာမှုဟာလည်း ဆက်ပြီး တည်ရှိနေဦးမယ်လို့ ခန့်မှန်းရကြောင်းပါ။
မှတ်စု
ဝ ဒေသ အတွက်ဆိုရင် ပြည်သူ့လွှတ်တော်အမတ် တ၀က်၊ အမျိုးသားလွှတ်တော်အမတ် တ၀က်နဲ့ ရှမ်းပြည်နယ်က လာတဲ့ အမတ်အားလုံးရဲ့ ထက်ဝက်က သဘောတူရင် သမ္မတ ဆီ တင်ပြနိုင်တယ်လို့ ပြဋ္ဌာန်းထားပါတယ်။ ဒီလိုမှ သဘောမတူနိုင်ရင်တော့ ပြည်ထောင်စုလွှတ်တော်အမတ် စုစုပေါင်း ၄ ပုံ ၃ ပုံနဲ့ အထက် ထောက်ခံရင် သမ္မတ ဆီ တင်ပြပေးနိုင်တယ်လို့ ပြဋ္ဌာန်းထားပါတယ်။
