A d v e r t i s e m e n t With Us

အမာမြို့ အပေါင်ဆိုင်တခုတွင် ရွှေ ၁၉ ကျပ်သားကျော်နှင့် ငွေကျပ်သိန်း ၅၀ ဖောက်ထွင်းခံရ

ဧရာဝတီတိုင်း၊ ဖျာပုံမြို့နယ်၊ အမာမြို့မှာ ဇွန် ၁၄ ရက် မနက်အစောပိုင်း ၁ နာရီလောက်က အမှတ် ၃ ရပ်ကွက်ရှိ အပေါင်ဆိုင်မှာ ရွှေ ၁၉ ကျပ်သားကျော်နဲ့ ငွေ ကျပ်သိန်း ၅၀ ဖောက်ထွင်းခံရပါတယ်။ အဲဒီနေ့ မနက် ၅ နာရီကျော်လောက်မှာ အိမ်အကူဖြစ်သူ မဂွမ်းဖြူ အိမ်တံခါးများဖွင့်ဖို့ ထွက်လာစဉ် အိမ်ရှေ့တံခါးပွင့်နေတာကို တွေ့ရှိပြီး အကြောင်းကြားလို့  အပေါင်ဆိုင် ပိုင်ရှင် ဦးကျော်မိုးနိုင်က သွားရောက်ကြည့်ရှုရာ အပေါင်ခံထားတဲ့ ရွှေထည်တွေနဲ့ ငွေတွေ ခိုးယူခံထားရကြောင်း တွေ့ရှိခဲ့တာပါ။ စားပွဲခုံက အံဆွဲများပွင့်နေပြီး အံဆွဲအတွင်းရှိ ရွှေထည်ပစ္စည်းမျိုးစုံ ရွှေလက် စွပ်မျိုးစုံ ၁၁ ကွင်း၊ ရွှေနဖူးမျိုးစုံ ၁၃ ခု၊ ရွှေနားကွင်းမျိုးစုံ ၁၁ ကွင်း၊ ရွှေနားဆွဲ ၁ ခု၊ ရွှေဆွဲကြိုးသံကြိုးကုံး ၁ ကုံး၊ ရွှေဆွဲကြိုး ဆွဲပြားပါ ၁ ကုံး၊ ရွှေဟန်းချိန်း ၁ ခု၊ ရွှေဆွဲကြိုးမျိုးစုံ ၂ ကုံး၊ လက်ကောက် ၂ ကွင်း၊ စုစုပေါင်းအလေးချိန် ၁၉ ကျပ်သားကျော် ကာလတန်ဖိုး ၂၁,၇၅၈,၀၀၀ ကျပ်နဲ့ ငွေသား ကျပ် သိန်း ၅၀ ပျောက်ဆုံးနေတာ တွေ့ရှိခဲ့တာလည်း ဖြစ်ပါတယ်။ ခိုးယူသွားသူအား ဥပဒေအရ စုံစမ်းဖော်ထုတ် အရေးယူပေးနိုင်ဖို့ ဦးကျော်မိုးနိုင်က တရားလိုပြု လုပ်တိုင်တန်းတာကြောင့် အမာနယ်မြေရဲစခန်းမှာ (ပ) ၃၄/၂၀၂၀၊ ရာဇသတ်ကြီးပုဒ်မ ၃၈၀ နဲ့ အမှုဖွင့်ထားပြီး အမှုစစ် ရဲအုပ် တင်အောင်က တရားခံ ဖမ်းဆီးရမိရေး ဆောင်ရွက်နေတယ်လို့ ရဲတပ်ဖွဲ့က သိရပါတယ်။ ကျော်စိုးမိုး 

A d v e r t i s e m e n t With Us

More News
Up