မုန်တိုင်းဂယက်ကြောင့် ဆန်ဈေးအဆမတန် မြင့်မတက်အောင် နိုင်ငံတော်အရန်ဆန်ကို ထုတ်ရောင်းပေးသွားမယ်လို့ မြန်မာနိုင်ငံ ဆန်စပါးအသင်း အထွေထွေအတွင်းရေးမှူး ဦးရဲမင်းအောင်က ဒီဗွီဘီကို ပြောပါတယ်။
အစိုးရက ပြည်တွင်းရေယာဉ်တွေရဲ့သွားလာခွင့်ကို ဒီနေ့ကစပြီး ၁၆ ရက်အထိ ယာယီရပ်နားထားတာကြောင့် ရန်ကုန်ဈေးကွက်မှာ ဆန်အ၀င်နည်းခဲ့ပြီး ဆန်ဈေးနှုန်းတွေလည်း အနည်းငယ်မြင့်တက်မှု ရှိလာခဲ့ပါတယ်။
ဦးရဲမင်းအောင်က ဆန်အ၀င်နည်းတာဟာ ရက်ပိုင်းသာဖြစ်တဲ့အကြောင်းနဲ့ ရန်ကုန်မှာ နိုင်ငံတော်အရံဆန်သိုလှောင်တာရှိတဲ့အပြင် ကုန်သည်တွေဆီမှာလည်း ဆန်စပါးက ရှိပြီးသား ဖြစ်တဲ့အတွက် စိုးရိမ်ပူပန်စရာမရှိဘူးလို့ ပြောပါတယ်။
ရန်ကုန်ဈေးကွက်ကို ကားလမ်းနှင့်ရေလမ်းကြောင်းတို့ကနေ နေ့စဉ် ဆန်အိတ်ရေ ၃ သောင်းကနေ ၅ သောင်းအထိ စီးဆင်းဝင်ရောက်နေရာမှာ ဧရာဝတီတိုင်းဒေသကြီးက အများဆုံး ဖြစ်ပါတယ်။
ရန်ကုန်ဈေးကွက်မှာ ဆန်ကြမ်း ဧည့်မထတစ်အိတ်ကို ကျပ် ၁၄၀၀၀-၁၅၀၀၀ ဖြစ်နေပြီး ဆန်ချော ပေါ်ဆန်းတအိတ်ကို ကျပ် ၂၅၀၀၀-၃၀၀၀၀ ဖြစ်နေတာကြောင့် အဆမတန်ဈေးမြင့်တာမဟုတ်ဘဲ ပုံမှန်ဖြစ်လေ့ရှိတဲ့ ဈေးနှုန်းသာဖြစ်ပါတယ်။
ဈေးကွက်ရဲ့သဘောသဘာဝအရ ခွင့်ပြုထားတယ်ဆိုပေမယ့်လည်း အတိုင်းအတာတခုသတ်မှတ်ထားပြီး ခန့်မှန်းဈေးနှုန်းထက် ကြီးသွားမယ်ဆိုရင် အရံဆန်ကိုထုတ်ရောင်းဖို့လဲ အဆင်သင့်ရှိနေတယ်လို့ဆိုပါတယ်၊
ဈေးကွက်မှာ ကုန်စီးဆင်းမှုနည်းလာရင် ၀ယ်လိုအားများလာပြီး ဈေးမြင့်လာမှာဖြစ်ပေမယ့် ဈေးကစားချင်တဲ့သူတွေက မတော်မတရား ဈေးတက်လာရင် အရန်ဆန်ကို ထုတ်ရောင်းမှာဖြစ်လို့ ဘာမျှစိုးရိမ်စရာမလိုပါဘူးလို့ ဦးရဲမင်းအောင်က ပြောပါတယ်။
မုန်တိုင်းရဲ့နောက်ဆက်တွဲအကျိုးဆက်ကြောင့် ဖြစ်ပေါ်လာမယ့် လယ်မြေတွေရဲ့ ရေနစ်မြုပ်မှုဒဏ်ကြောင့် ပျက်စီးဆုံးရှုံးမှုကို လျှော့နည်းစေဖို့အတွက်လည်း ပြင်ဆင်ထားတယ်လို့ ဆိုပါတယ်။ အဓိကအားဖြင့် မုန်တိုင်းကျတဲ့မြို့တွေမှာ ထောက်ပံ့ကြေး၊ မျိုးစပါး၊ စတာတွေ ပေးဝေဖြန့်ဖြူးဖို့ အကြမ်းဖျင်း စီစဉ်ထားတယ်လို့ ပြောပါတယ်။
လက်ရှိစိုက်ပျိုးထားတာက နွေစပါးမျိုးဖြစ်တဲ့အပြင် ၅၀ ရာခိုင်နှုန်းကျော်လောက်က ရိတ်သိမ်းပြီးသားဖြစ်လို့ မိုးရေကြောင့် အစိုဓာတ်ပြန်ပြီး အလေအလွင့်ပျက်စီးမှုမများရလေအောင် သတိထား ဆောင်ရွက်ကြဖို့ လိုနေပါတယ်။
ဧရာဝတီတိုင်းဒေသကြီးအနေနဲ့ ယခုနှစ်အတွက် နွေစပါးစိုက်ဧက ၁ သန်း နီးပါး စိုက်ပျိုးထားရှိတယ်လို့ သိရပါတယ်။
