၈၈ မျိုးဆက်ပွင့်လင်းလူ့အဖွဲ့အစည်း ခေါင်းဆောင်တချို့နဲ့ တရုတ်ပြည်သူ့သမ္မတနိုင်ငံ သံအမတ်ကြီးတို့ဟာ ၂ နိုင်ငံ ပြည်သူအကျိုး ပူးပေါင်းဆောင်ရွက်ရေး ဆွေးနွေးခဲ့ကြပါတယ်။

၈၈ မျိုးဆက်ပွင့်လင်းလူ့အဖွဲ့အစည်း ခေါင်းဆောင်တွေဖြစ်တဲ့ ဦးမင်းကိုနိုင်၊ ဦးကိုကိုကြီးနဲ့ ဦးဂျင်မီတို့ကို တရုတ်ပြည်သူ့သမ္မတနိုင်ငံ သံအမတ်ကြီး မစ္စတာ ယန်ဟွေလန် (H.E. Mr.Yang Houlan) တို့ အဖွဲ့ဟာ မနေ့က သူတို့ရုံးခန်းမှာ ပထမဆုံး လာရောက် တွေ့ဆုံပြီး ဆွေးနွေးခဲ့ကြတာပါ။

[caption id="attachment_39419" align="alignleft" width="300" caption="Photo_ Chinese Embassy in Myanmar "][/caption]

နှစ်နိုင်ငံ ပြည်သူအကျိုးအတွက် ပူးပေါင်းဆောင်ရွက်သွားမယ့်အကြောင်း ဆွေးနွေးခဲ့တယ်လို့ ၈၈ မျိုးဆက်ကျောင်းသားခေါင်းဆောင် ဦးဂျင်မီက ပြောပါတယ်။

“ကျနော်တို့လည်း အကြံပေးလိုက်တာ အစိုးရ-အစိုးရချင်း ဆက်ဆံရေးက ရေရှည် မခိုင်မြဲဘူး။ ပြည်သူ ပြည်သူချင်းဆက်ဆံရေးကသာ ခိုင်မြဲမယ်။ အစိုးရက ခဏပဲ၊ ပြည်သူက ထာဝရပဲ။ ထာဝရ-ထာဝရသမားချင်း ဆက်ဆံမှ ဆက်ဆံရေးခိုင်မာပြီး စစ်မှန်မယ်ဆိုတာ ပြောတယ်။ တရုတ်အစိုးရဘက်ကလည်း သဘောတူပါတယ်။ အပစ်အခတ်ကိစ္စတွေ ဆွေးနွေးရာမှာလည်း သင်ခန်းစာတခုအနေနဲ့ ဆွေးနွေးပြီး အနာဂတ်မှာ နှစ်ဖက်ပြည်သူတွေအတွက် ရှေ့လျှောက်ဘယ်လို အကောင်းဆုံးဖြစ်အောင် လုပ်ကြမလဲဆိုတာ၊ နှစ်ဖက်ပြည်သူကောင်းကျိုးတွေအတွက် ရှေ့လျှောက် ပူးပေါင်းဆောင်ရွက်မှုတွေလုပ်သွားဖို့ ဆွေးနွေးကြတယ်။”

ဒါ့အပြင် အမေရိကန်ပြည်ထောင်စုသံအမတ်ကြီး မစ္စတာ ဒဲရစ်မစ်ချဲလ်နဲ့ အဖွဲ့ကိုလည်း မနက်ပိုင်းမှာ တွေ့ဆုံပြီး ကျင့်ထုံးဥပဒေ ပုဒ်မ ၄၀၁ အရ ထောင်ကျကြွေးကျန်ကိစ္စနဲ့ လက်ရှိအပြောင်းအလဲကာလမှာ လူမှုအခြေပြုအဖွဲ့အစည်းတွေ ပိုမိုအားကောင်းလာရေးအတွက် ဘယ်လိုဆောင်ရွက်မလဲဆိုတဲ့ကိစ္စကို ဆွေးနွေးပြောဆိုခဲ့တယ်လို့ ပြောပါတယ်။

“ပုဒ်မ ၄၀၁နဲ့ ပတ်သက်လို့ နှစ်မပြည့်သေးတဲ့ နိုင်ငံရေးသမားတွေနဲ့ ပတ်သက်လို့ ကျင့်ထုံးဥပဒေတခုထားရတယ်ဆိုတာ သဘောတူတယ်။ ဒါပေမယ့် နိုင်ငံရေးအကျဉ်းသားတွေနဲ့ ပတ်သက်လို့ ခြွင်းချက်မရှိ လွှတ်ပေးမယ့်ကိစ္စတွေ လုပ်ဖို့လိုတယ်။ အမေရိကန်သံအမတ်ကြီး သဘောထားမှာတော့ နိုင်ငံရေးအကျဉ်းသားကိစ္စက ရှင်းရှင်းလင်းလင်း ပြတ်ပြတ်သားသားလုပ်ဖို့လိုတယ်၊ နိုင်ငံရေးအကျဉ်းသားတွေအားလုံး ခြွင်းချက်မရှိ လွှတ်ပေးပြီးပြီ။ အကြွင်းအကျန်ကိစ္စတွေ အားလုံးလုပ်ပေးပြီးမှပဲ နိုင်ငံတကာ အသိုင်းအ၀ိုင်းကလည်း သူတို့ဆောင်ရွက်စရာရှိတာတွေကို ဆောင်ရွက်နိုင်မယ့် အနေအထားလို့ ပြောတယ်။ နောက် အရပ်ဘက်လူ့အဖွဲ့အစည်းတွေ အားကောင်းလာအောင် ဘယ်လိုဆောင်ရွက်ကြမလဲဆိုတာ ဆွေးနွေးတယ်။”

ဒါအပြင် ၈၈ မျိုးဆက် ကျောင်းသားခေါင်းဆောင် ဦးမင်းကိုနိုင်နဲ့ ဦးကိုကိုကြီးတို့ အမေရိကန်ပြည်ထောင်စုကို သွားရောက်ဖို့ရှိတဲ့အတွက် သူတို့ရဲ့ ခရီးစဉ်နဲ့ ပတ်သက်ပြီး အကူအညီပေးရမယ့် ကိစ္စရပ်တွေကို ဆွေးနွေးခဲ့တယ်လို့ ဦးဂျင်မီက ဒီဗွီဘီကို ပြောပါတယ်။

ဦးမင်းကိုနိုင်နဲ့ ဦးကိုကိုကြီးတို့ကတော့ လာမယ့် ၁၉ ရက်နေ့မှာ တောင်ကိုးရီးယားကနေ အမေရိကန်ပြည်ထောင်စုကို သွားရောက်ဖို့ ရှိပါတယ်။ ဒီနေ့ညမှာတော့ ဦးမင်းကိုနိုင်နဲ့ ဦးဂျင်မီတို့ တောင်ကိုးရီးယားကို ထွက်ခွာမှာဖြစ်ပြီး ဒီခရီးစဉ်အတွင်း ဦးမင်းကိုနိုင်ဟာ တောင်ကိုးရီးယား နိုင်ငံက ၂၀၀၉ ခုနှစ်မှာ ချီးမြှင့်ခဲ့တဲ့ ဂွမ်ဂျူးလူ့အခွင့်အရေးဆုကို ကိုယ်တိုင်လက်ခံယူမယ်လို့ ဆိုပါတယ်။

ဒါ့အပြင် အစိုးရပိုင်းက တာဝန်ရှိသူတွေ၊ အရပ်ဘက်အဖွဲ့အစည်းတွေနဲ့ မြန်မာ မိသားစုတွေကို တွေ့ဆုံသွားဖို့ ရှိပါတယ်။