ရန်ကုန်တိုင်း ဥပဒေအရာရှိဟောင်း ဦးဟန်ထူးကို အဂတိလိုက်စားမှုဖြင့် ရုံးထုတ်စစ်ဆေး (ဓာတ်ပုံ)
3K
ဟာသ သရုပ်ဆောင် အောင်ရဲထွေးသေဆုံးမှုအတွက် အမှုရုပ်သိမ်းပေးဖို့ လာဘ်စားဆောင်ရွက်ခဲ့တဲ့ ရန်ကုန်တိုင်း ဒေသကြီး ဥပဒေအရာရှိဟောင်း ဦးဟန်ထူးအပါအဝင် တရားရေးအရာရှိ၊ ဥပဒေအရာရှိများကို ဇွန် ၅ ရက်နေ့က ရန်ကုန်တိုင်းဒေသကြီး၊ တရားရုံးမှာ ရုံးထုတ်စစ်ဆေးခဲ့တယ်လို့ သိရပါတယ်။
သရုပ်ဆောင် အောင်ရဲထွေးဟာ ၂ဝ၁၇ ဒီဇင်ဘာ ၃၁ ရက် ညပိုင်းက သင်္ဃန်းကျွန်းမြို့နယ်ရှိ The One Entertainment မှာလူတစုရဲ့ ဝိုင်းဝန်းရိုက်နှက်မှုကြောင့် ခေါင်းမှာ ဒဏ်ရာရရှိပြီး ရန်ကုန်ပြည်သူ့ဆေးရုံကြီးမှာ ၂ဝ၁၈ ဇန်နဝါရီ ၂ ရက်က သေဆုံးသွားခဲ့ပါတယ်။
ဒီဖြစ်စဉ်နဲ့ပတ်သက်ပြီး သန်းထွဋ်အောင်(ခ)သားကြီး အပါအဝင် ၃ ဦးကို ဖမ်းဆီးပြီး ပုဒ်မ ၃ဝ၂ နဲ့ တရားစွဲဆိုတင်ပို့ခဲ့ကာ တရားလိုပြသက်သေတချို့ကို စစ်ဆေးခဲ့ပြီးနောက် သက်သေမခိုင်လုံဘူးဆိုပြီး အမှုကို ရုပ်သိမ်းပေးခဲ့ပါတယ်။
အမှုရုပ်သိမ်းခဲ့တာကြောင့် ရန်ကုန်တိုင်းဒေသကြီး ဥပဒေချုပ် ဦးဟန်ထူး အပါအဝင် ၆ ဦးဟာ အဂတိလိုက်စားမှုတိုက်ဖျက်ရေးဥပဒေနဲ့ တရားစွဲဆိုခံခဲ့ရတာပါ။
Photo - Kyaw Swar Tun / MPA
