Home
မြန်မာသတင်း
ပုသိမ်တွင် အခမဲ့လူထုအခြေပြုဆေးခန်းကို လူငယ်ဆရာဝန်များ ပူးပေါင်းဖွင့်လှစ်
DVB
·
June 2, 2020
101335767_862053954278949_3257752944786800640_n
101287166_862054020945609_6108883636101054464_n
101166236_862053980945613_5218768568996331520_n
101106737_862054074278937_5596738717680140288_n
82867483_862054204278924_736972463363063808_n
82328760_862053924278952_535413049775882240_n
ဧရာဝတီတိုင်းဒေသကြီး၊ ပုသိမ်မြို့၊ သာသနာ့ဗိမာန်မှာ ဇွန်လ ၁ ရက်နေ့က စတင်ကာ နေ့စဉ် အခမဲ့ပြသနိုင်မယ့်ဆေးခန်းကို လူငယ်ဆရာဝန်တွေ ပူးပေါင်းဖွင့် လှစ်လိုက်ပါတယ်။ ကိုဗစ်-၁၉ရောဂါကာလအတွင်း သာမန်ဖျားနာပြီး ဆေးခန်းပြသဖို့ အခက်အခဲဖြစ်နေသူ တွေနဲ့ ဆေးခန်းပြဖို့ ငွေကြေးအခက်အခဲဖြစ်နေသူတွေကို အဓိကကုသပေးသွားမှာဖြစ်တယ်လို့ ဆေးခန်းတာဝန်ခံ ဒေါက်တာ ခင်မောင်ထွေးက ပြောပါတယ်။ "အဓိက ဖျားနာတဲ့သူတွေကို အဓိကထားပြီး ကုသပေးသွားမယ်၊ နှာစေး၊ ချောင်းဆိုး၊ ခေါင်းကိုက်တာတွေကို ကုပေးမယ်၊ ဒါပြင်  ကိုဗစ်-၁၉ ရောဂါနဲ့ ပတ်သက်တဲ့ သံသယဖြစ်စရာတွေ ရှိလာရင် ကျနော်တို့က ပုသိမ်ပြည်သူ့ဆေးရုံကြီးနဲ့ ချိတ်ဆက်ပြီး ဆက်လုပ်သွားမှာဖြစ်တယ်"လို့ ဒေါက်တာ ခင်မောင်ထွေးက ပြောပါတယ်။ လူထုအခြေပြုအခမဲ့ဆေးခန်းကို ပြည်သူ လူထုရဲ့ လှူဒါန်းမှုနဲ့ ပူးပေါင်းဖွင့်လှစ်ခဲ့တာဖြစ်ပြီး  နာမကျန်းတဲ့ပြည်သူတွေအနေနဲ့ နေ့စဉ် မနက် ၉ နာရီမှ ၁၁ နာရီထိ ဆေးခန်းမှာ လာရောက် ပြသနိုင်မှာ ဖြစ်ပါတယ်။ အဆိုပါဆေးခန်းကို ပုသိမ်မြို့က ရည်ရွယ်ချက်တူတဲ့ လူငယ်ဆရာဝန် ၁၀ ဦးက ပူးပေါင်းကာ ဦးဆောင်ဖွင့်လှစ်ခဲ့တာဖြစ်ပြီး ဆေးခန်းဖွင့်လှစ်နိုင်ဖို့အတွက် တိုင်းအစိုးရအဖွဲ့၊ တိုင်းကျန်းမာရေးနဲ့ ပုသိမ်ပြည်သူ့ဆေးရုံကြီးတို့က ဆရာဝန်ကြီးတွေနဲ့ တာဝန်ရှိသူတွေထံ အကြံဉာဏ် ရယူပြီးမှ ဖွင့်လှစ်ခဲ့တာလို့ သိရပါတယ်။ ကိုဗစ်-၁၉ ရောဂါဖြစ်ပွားနေစဉ် အချိန်ကာလအတွင်း သာမန်ဖျားနာတဲ့သူတွေအတွက် ပြင်ပဆေးခန်းတွေမှာ သွားရောက်ပြသဖို့အတွက် အခက်အခဲတွေ ရှိနေတာဖြစ်ပါတယ်။ ပုသိမ်မြို့မှာ အခုဖွင့်လှစ်ခဲ့တဲ့ ဆေးခန်းဟာ ဧရာဝတီတိုင်းမှာ ပထမဆုံးဖွင့်လှစ်ခဲ့တဲ့ လူထု အခြေပြုအခမဲ့ဆေးခန်းလည်းဖြစ်ပါတယ်။ သတင်း- မင်းထက်မုန်း (ပုသိမ်)
Live

About DVB

The Democratic Voice of Burma (DVB) publishes daily independent news and information across Myanmar and around the world by satellite TV and the internet. DVB was founded in 1992 and is registered as a non-profit association in Thailand.

Follow Us

© Democratic Voice of Burma 2024