မြန်မာနိုင်ငံရှိ COVID-19 လူနာ ၂၀၃ ဦးအနက် ရောဂါပိုးကင်းစင်လာသူ ၁၂၃ ဦးရှိလာ

မြန်မာနိုင်ငံမှာ  COVID-19 ရောဂါဓာတ်ခွဲ အတည်ပြုလူနာပေါင်း ၂၀၃ ဦး ရှိတဲ့အထဲက ရောဂါပိုးကင်းစင်လာသူ ၁၂၃ ဦးရှိသွားပြီဖြစ်တယ်လို့ ကျန်းမာရေးနဲ့ အားကစားဝန်ကြီးဌာနရဲ့ ဒီနေ့မနက် ထုတ်ပြန်ချက်အရ သိရပါတယ်။ အမျိုးသားကျန်းမာရေးဓာတ်ခွဲမှုဆိုင်ရာဌာန (ရန်ကုန်)က  ဒုတိယအသုတ်အဖြစ် ဓာတ်ခွဲနမူနာ ၃၇၅ ခုကို  ဒီနေ့မနက်စောပိုင်းက စစ်ဆေးပြီးစီးခဲ့ရာမှာ COVID-19 ရောဂါ ဓာတ်ခွဲအတည်ပြု လူနာသစ် မတွေ့ရှိဘူးလို့လည်း ထုတ်ပြန်ထားပါတယ်။ မနေ့ညကတော့ အီတလီနိုင်ငံက ပြန်လာသူတဦးနဲ့ အိန္ဒိယနိုင်ငံက ပြန်လာသူတဦးမှာ COVID-19 ရောဂါ စစ်ဆေးတွေ့ရှိရတယ်လို့ သတင်းထုတ်ပြန်ထားပါတယ်။ အဆိုပါလူနာသစ် နှစ်ဦးအနက် တဦးက  ရန်ကုန်တိုင်း၊ အလုံမြို့နယ်မှာ နေထိုင်တဲ့ အသက် ၃၉ နှစ်အရွယ် အီတလီပြန် အမျိုးသားတဦးဖြစ်ပြီး လှိုင်မြို့နယ်မှာ အသွားအလာကန့်သတ် စောင့်ကြည့်ခံထားရသူ ဖြစ်ပါတယ်။ ကျန်တစ်ဦးကတော့ နေပြည်တော် ပျဉ်းမနားမြို့နယ်မှာနေထိုင်တဲ့  အသက် ၄၁ နှစ် အရွယ် အမျိုးသမီးတဦးဖြစ်ပြီး ဒဂုံမြို့သစ် (မြောက်ပိုင်းမြို့နယ်) မှာ အသွားအလာကန့်သတ် စောင့်ကြည့်ခံထားရသူ ဖြစ်ပါတယ်။ Photo- Theingi WinMyat

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up