ဓာတ်ခွဲနမူနာ ၉၁၄ ခုအား စစ်ဆေးချက်အရ ကိုဗစ်-၁၉ ရောဂါ လူနာသစ်မတွေ့
DVB
·
May 25, 2020
မေ ၂၄ ရက်နေ့အတွက် ဓာတ်ခွဲနမူနာ စုစုပေါင်း ၉၁၄ ခုအား စစ်ဆေးချက်အရ ကိုဗစ်-၁၉ ရောဂါ လူနာသစ်မတွေ့ရှိဘဲ ရောဂါပိုးကင်းစင်လာသူ ၁၂၂ ဦးရှိပြီလို့ ကျန်းမာရေးဝန်ကြီးဌာနက ဒီနေ့ မနက် ၇ နာရီမှာ ထုတ်ပြန်ပါတယ်။
ကိုဗစ်-၁၉ ဓာတ်ခွဲစစ်ဆေးတာကို အမျိုးသားကျန်းမာရေးဓာတ်ခွဲမှုဆိုင်ရာဌာန (ရန်ကုန်) က ဓာတ်ခွဲနမူနာ ၇၄၈ ခုနဲ့ ဆေးသုတေသနဦးစီးဌာနမှ ဓာတ်ခွဲနမူနာ ၁၆၆ ခု၊ စုစုပေါင်း ၉၁၄ ခုအား စစ်ဆေးခဲ့တာလို့ ဆိုပါတယ်။
မြန်မာနိုင်ငံမှာ မေ ၂၅ ရက် မနက်ပိုင်းအထိ ကိုဗစ်-၁၉ ရောဂါဓာတ်ခွဲ အတည်ပြုလူနာ ၂၀၁ ဦး၊ သေဆုံးသူ ၆ ဦး၊ ဓာတ်ခွဲအတည်ပြု လူနာဟောင်းတွေအနက် ရောဂါပိုးကင်းစင်လာသူ စုစုပေါင်း ၁၂၂ ဦးရှိပြီလို့ ကျန်းမာရေးဝန်ကြီးဌာနက ထုတ်ပြန်ထားပါတယ်။
ကမ္ဘာတဝန်းမှာတော့ ဒီနေ့မနက်ပိုင်းအထိ ကိုရိုနာဗိုင်းရပ်စ် ကူးစက်ခံရသူ ၅.၄ သန်းကျော်နဲ့ သေဆုံးသူ ၃ သိန်း ၄ သောင်းကျော်ရှိပြီလို့ သိရပါတယ်။