ရခိုင်ပြည်နယ်နှင့်မန္တလေးတိုင်းတို့တွင် ယနေ့နံနက် ငလျင် ၃ ကြိမ်လှုပ်

ဓာတ်ပုံ - မိုးဇလ
ရခိုင်ပြည်နယ် သံတွဲနဲ့ မန္တလေးတိုင်း ရမည်းသင်းမြို့တို့မှာ ဒီနေ့မနက်ပိုင်းမှာ ငလျင် ၃ ကြိမ် လှုပ်ခဲ့တယ်လို့ မိုးလေဝသနဲ့ ဇလဗေဒညွှန်ကြားမှု ဦးစီးဌာနက ထုတ်ပြန်ထားပါတယ်။ အနောက်မြောက်ဘက်မှာ အင်အား ၄.၄ အဆင့်ရှိ မြေငလျင် လှုပ်ခတ်သွားတယ်လို့ မိုးဇလက ထုတ်ပြန်ပါတယ်။ ဒီနေ့ မြန်မာစံတော်ချိန် ၁၁ နာရီ၊ ၀၂ မိနစ်၊ ၁၄ စက္ကန့် အချိန်က ရမည်းသင်းမြို့ရဲ့ အနောက်မြောက်ဘက် ၅ မိုင် လောက်အကွာကိုဗဟိုပြုပြီး ရစ်(ခ်)တာစကေး ၄ ဒသမ ၄ အဆင့် အင်အားအနည်းငယ်ရှိတဲ့ မြေငလျင်တခု လှုပ်ရှားသွားတယ်လို့ ဆိုပါတယ်။ ဒီမနက် ၅ နာရီခွဲလောက်ကလည်း ရမည်းသင်းရဲ့ အနောက်မြောက်ဘက် ၁ မိုင်လောက်အကွာကိုဗဟိုပြုပြီး ရစ်(ခ်)တာစကေး ၃ အဆင့် အင်အားနည်းနည်းရှိတဲ့ ငလျင်တခု လှုပ်ခဲ့ပါတယ်။ ဒီ မနက် ၇ နာရီ ၈ မိနစ်ကျော်က ရခိုင်ပြည်နယ် ဂွမြေငလျင်စခန်းရဲ့ မြောက်-အနောက်မြောက်ဘက် ၅၉ မိုင်လောက်ဝေးတဲ့ သံတွဲမြို့ရဲ့ တောင်-အရှေ့တောင်ဘက် ၁၉ မိုင်လောက်အကွာ ဗဟိုပြုပြီး ရစ်ချ်တာစကေး ၃ ဒသမ ၈ အဆင့် အင်အားနည်းနည်းရှိတဲ့ ငလျင်တခုလည်း လှုပ်ခဲ့ပါသေးတယ်။  

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up