ထန်တလန်မြို့နယ်က အမျိုးသားတဦးတွင် COVID-19 ရောဂါပိုးတွေ့ရှိ

အမျိုးသားကျန်းမာရေးဓာတ်ခွဲမှုဆိုင်ရာဌာန (ရန်ကုန်) က တတိယအသုတ်အဖြစ် ဓာတ်ခွဲနမူနာ ၂၆၇ အား စစ်ဆေးချက်အရ COVID-19 ရောဂါ ဓာတ်ခွဲအတည်ပြု လူနာသစ် ၁ ဦးတွေ့ရှိတယ်လို့ ကျန်းမာရေးဝန်ကြီးဌာနက ဒီနေ့မနက် ၇ နာရီထုတ်ပြန်ပါတယ်။ မြန်မာနိုင်ငံမှာ ဒီနေ့မနက် ၇ နာရီအထိ COVID-19 ရောဂါ ဓာတ်ခွဲ အတည်ပြုလူနာ ၁၈၂ ဦး၊ သေဆုံးသူ ၆ ဦး ရှိပြီဖြစ်ပါတယ်။ အသက် ၃၂ နှစ်အရွယ် အတည်ပြုလူနာ ၁၈၂ ဟာ ချင်းပြည်နယ် ထန်တလန်မြို့နယ်က ဖြစ်ပြီး COVID-19 ရောဂါ အတည်ပြုလူနာတွေနဲ့ ထိတွေ့မှုမရှိဘဲ မလေးရှားနိုင်ငံက ပြန်လာသူဖြစ်ကာ အသွားအလာကန့်သတ် စောင့်ကြည့်နေသူဖြစ်တယ်လို့ ဆိုပါတယ်။ ဓာတ်ခွဲအတည်ပြုလူနာတွေအနက် ရောဂါပိုးကင်းစင်လာသူ စုစုပေါင်း ၈၉ ဦးနဲ့ ၇၄ ဦးကို ဆေးရုံမှဆင်းခွင့်ပြုခဲ့ပြီးဖြစ်ပြီး သတ်မှတ်နေရာတွေမှာ အသွားအလာကန့်သတ် ဆက်လက်စောင့်ကြပ် ကြည့်ရှုနေတယ်လို့ ဆိုပါတယ်။ မေ ၁၅ ရက်နေ့က အမျိုးသားကျန်းမာရေးဓာတ်ခွဲမှုဆိုင်ရာဌာန (ရန်ကုန်) က  ဓာတ်ခွဲနမူနာ ၅၄၆ ခုနဲ့ ဆေးသုတေသနဦးစီးဌာနက ဓာတ်ခွဲနမူနာ ၁၄၈ ခု၊ စုစုပေါင်း ဓာတ်ခွဲနမူနာ ၆၄၉ ခုအား စစ်ဆေးခဲ့ပြီး လူနာသစ် ၁ ဦး တွေ့ရှိခဲ့တာလည်း ဖြစ်ပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up