လားရှိုးတွင် Quarantine ဝင်နေသူများအတွက် မြို့ခံဂီတဝါသနာရှင်များက ဖျော်ဖြေ
935
ရှမ်းပြည်နယ်၊ လားရှိုးမြို့မှာ Facility Quarantine ဝင်နေကြတဲ့ နေရပ်ပြန်တွေကို စိတ်ဓာတ်ခွန်အားရစေဖို့အတွက် မြို့ခံဂီတဝါသနာရှင်တွေက တေးသီချင်းတွေနဲ့ ဖျော်ဖြေပေးခဲ့ပါတယ်။
COVID-19 ကြောင့် တရုတ်နိုင်ငံဘက်ကနေ ရှမ်းပြည်နယ်မြောက်ပိုင်း၊ လားရှိုးမြို့ကို ပြန်လာကြပြီး Facility Quarantine ဝင်နေကြတဲ့သူတွေကို စိတ်ဓာတ်ခွန်အားရစေဖို့အတွက် မြို့ခံဂီတဝါသနာရှင်တွေက သီချင်းတွေ သီဆိုပြီး မေ ၁၂ ရက်နေ့ညက ဖျော်ဖြေပေးခဲ့တာပါ။
ဒါ့အပြင် လားရှိုးမြို့ပေါ်မှာရှိတဲ့ လူမှုကူညီရေးအသင်း ၄၀ လောက်ကလည်း ကျရာ အခန်းကဏ္ဍမှာ သက်ဆိုင်ရာ ဌာနဆိုင်ရာတွေနဲ့ ပူးပေါင်းပြီး COVID-19 ကြိုတင်ကာကွယ်ရေး လုပ်ငန်းတွေကို လုပ်ဆောင်နေကြပါတယ်။
လားရှိုးမြို့ပေါ်မှာ Facility Quarantine စင်တာ ၂ ခုရှိပြီး လူဦးရေ ၇၀ ကျော်ရှိပါတယ်။ သံသယလူနာနဲ့ ကိုရိုနာဗိုင်းရပ်စ်ပိုး ကူးစက်ခံရသူ အခုထိတော့ မတွေ့ရသေးပါဘူး။
လက်ရှိအချိန်ထိ တရုတ်နိုင်ငံနဲ့ နယ်စပ်မြို့တွေကနေ မြန်မာလုပ်သားတွေ နေ့စဉ် ရာနဲ့ချီ ပြန်လာနေကြဆဲ ဖြစ်ပါတယ်။
