မုံရွာမြို့ Fever Clinic အခမဲ့ဆေးခန်းသို့ လာရောက်ပြသသူ နည်းပါး
DVB
·
May 13, 2020
မုံရွာမြို့မှာ COVID-19 ကူးစက်မပြန့်ပွားစေဖို့အတွက် ဖျားနာလူနာများ ကုသမှုဆေးခန်း Fever Clinic ကို မေ ၁ ရက်ကစတင်ပြီး ဖွင့်လှစ်ထားရာမှာ သီတင်းနှစ်ပတ်လောက် ရှိနေပြီ ဖြစ်ပေမယ့် လာရောက်ပြသသူ နည်းပါးနေပါတယ်။
Fever Clinic ကို နေ့စဉ် လာရောက်ပြသသူ ၆ ဦးထက်မပိုတဲ့အတွက် ပြည်သူတွေ ဆေးခန်းကို ပိုမိုသိရှိစေဖို့ လှုံ့ဆော်ရေးကမ်ပိန်းတွေ ပြုလုပ်မယ်လို့ Save Monywa က သိရပါတယ်။
အခမဲ့ Fever Clinic ကို မုံရွာမြို့၊ အ.ထ.က ၂ ကျောင်းဘေးက Youth Centre မှာ ဖွင့်လှစ်ထားတာဖြစ်ပြီး ဆေးခန်း Hotline ဖုန်းနံပါတ် ၀၉-၆၆၀၀ ၁၀၀၀၀ ကို နံနက် ၈ နာရီမှ ၁၁ နာရီ ၊ ညနေ ၄ နာရီမှ ည ၉ နာရီထိ ဆက်သွယ် မေးမြန်းနိုင်ပါတယ်။
Photo - Aung Nay Myo / MPA
