မြန်မာအပေါ် အီးယူပိတ်ဆို့ဒဏ်ခတ်မှု တရားဝင်ရုပ်သိမ်း

ဥရောပသမဂ္ဂ(အီးယူ) အဖွဲ့ဝင်အစိုးရတွေက မြန်မာနိုင်ငံအပေါ်  လက်နက်ပိတ်ဆို့မှုကလွဲပြီး ကျန်တဲ့ပိတ်ဆို့ဒဏ်ခတ်မှုတွေ အားလုံးရုပ်သိမ်းလိုက်ပြီလို့ ဆုံးဖြတ်လိုက်ပါတယ်။ အီးယူနိုင်ငံခြားရေးဝန်ကြီးတွေ လူဇင်ဘတ်နိုင်ငံမှာ ဧပြီ ၂၂ ရက်နေ့က တွေ့ဆုံဆွေးနွေးပြီးနောက် မြန်မာနိုင်ငံရဲ့ နိုင်ငံရေးပြုပြင်ပြောင်းလဲမှုတွေ အသိအမှတ်ပြုတဲ့အနေနဲ့ ပိတ်ဆို့ဒဏ်ခတ်မှုတွေ ရုပ်သိမ်းဖို့ အားလုံး သဘောတူ ဆုံးဖြတ်လိုက်တာပါ။ အီးယူ နိုင်ငံခြားရေးဝန်ကြီးမူဝါဒဆိုင်ရာ အကြီးအကဲ ကတ်သရင်းအက်ရ်ှတန်က  “ဒီကနေ့  မြန်မာနိုင်ငံနဲ့ ကျမတို့ရဲ့အကြား အလွန်ရှည်ကြာတဲ့ ဆက်ဆံရေးကဏ္ဍတခုကို နိုင်ငံရေးနဲ့ စီးပွားရေး ပိတ်ဆို့ဒဏ်ခတ်မှုတွေကို ရုပ်သိမ်းလိုက်ခြင်းအားဖြင့် ပိတ်သိမ်းလိုက်ပါပြီ။ လက်နက်တွေ တင်ပို့မှု တားဆီးတာပဲ ဆက်ကျန်ပါမယ်။ လူ့အခွင့်အရေးကိစ္စ၊ ဒီမိုကရေစီရေး၊ ဆင်းရဲမှုတိုက်ဖျက်ရေးနဲ့ ရေရှည်ငြိမ်ချမ်းရေး အောင်မြင်မှုရဖို့ လုပ်စရာတွေအများကြီး ကျန်နေသေးတယ်ဆိုတာ ကျမတို့ သိပါတယ်။ ဒီစိန်ခေါ်မှုတွေကို ကျမတို့ လျော့မတွက်ပါဘူး။ ဒါပေမယ့် အခုချိန်ဟာ စေ့စပ်ညှိနှိုင်းမှုတေ ပိုလုပ်ပြီး အသွင်ကူးပြောင်းရေး ရှေ့ဆက်သွားအောင် ကူညီရမယ့်အချိန်လို့ ယုံကြည်ပါတယ်။ ဒီစိန်ခေါ်မှုတွေအားလုံးဟာ ပွင့်လင်းတဲ့ဒီမိုကရက်တစ် လူ့အဖွဲ့အစည်းမှာမှ ပြောလို့ဆိုလို့ကောင်းပါတယ်။ ပြီးတော့ ကျမတို့အနေနဲ့ အစိုးရနဲ့ တခြားသက်ဆိုင်တဲ့ လူပုဂ္ဂိုလ်အဖွဲ့အစည်းတွေနဲ့ နီးနီးကပ်ကပ် ဆက်ပြီးတော့ အလုပ်လုပ်ဖို့ မျှော်လင့် ထားပါတယ်။ မြန်မာပြည်သူတွေဟာ ဒီမိုကရေစီ၊ ငြိမ်းချမ်းရေးနဲ့ ကြွယ်ဝချမ်းသာမှုကို အလိုရှိနေပါတယ်။ ဒါတွေကိုသူတို့ ခံစားရသင့်ပါတယ်။” လို့ ပြောပါတယ်။ အီးယူဟာ စစ်အစိုးရလက်ထက်က နှစ်ပေါင်းများစွာ ပိတ်ဆို့ဒဏ်ခတ်မှုတွေ ပြုလုပ်လာရာက သမ္မတဦးသိန်းစိန် အစိုးရတက်ပြီးနောက် ပြုပြင်ပြောင်းလဲမှုတွေ ဆက်တိုက်ဖော်ဆောင် လာပြီးနောက်  ပြီးခဲ့တဲ့နှစ်က  ပိတ်ဆို့ဒဏ်ခတ်မှုအတော်များများကို ဆိုင်းငံ့ထားခဲ့တာပါ။ မြန်မာနိုင်ငံမှာ တိုင်းရင်းသားလက်နက်ကိုင်တွေနဲ့တိုက်ပွဲတွေ၊ မွတ်စလင်တွေနဲ့ ပဋိပက္ခတွေ လတ်တလောဖြစ်ပွားခဲ့ပေမယ့်  မြန်မာနိုင်ငံမှာ အီးယူ စီးပွားရေးလုပ်ငန်းတွေ ရင်းနှီးမြှုပ်နှံမှုတွေလုပ်နိုင်အောင် အခုလို ပိတ်ဆို့ဒဏ်ခတ်မှုတွေ ရုပ်သိမ်းပေးလိုက်တာလည်း ဖြစ်ပါတယ်။ ဗြိတိန် နိုင်ငံခြားရေးဝန်ကြီး ၀ီလျံဟိတ်ကတော့ “ကျနော်တို့ ဒီပိတ်ဆို့ဒဏ်ခတ်မှုတွေနဲ့ မြန်မာပြည်အပြောင်းအလဲကို အထောက်အကူပြုခဲ့ပါတယ်။  တကယ်တော့ လွန်ခဲ့တဲ့ တနှစ်လောက်က ကျနော်တို့ရဲ့ ပိတ်ဆို့ဒဏ်ခတ်မှုတွေကို ဆိုင်းငံ့ထားခဲ့တယ်။ အခုဆုံးဖြတ်ချက်က  ပိတ်ဆို့ဒဏ်ခတ်မှုကို  တရားဝင် ရုပ်သိမ်းလိုက်ပြီး၊ ဒီပိတ်ဆို့မှုတွေ ဘယ်လိုနည်းနဲ့မှ သက်ရောက်မှု မရှိတော့ပါဘူး။ ကျနော်တို့ လက်နက်ပိတ်ဆို့မှုကို ဆက်ပြီးထိန်းထားမယ်။ တစုံတခုအပေါ်  ပိတ်ဆို့မှုတွေ၊ တားဆီးမှုတွေဟာ နိုင်ငံတွင်းဖိနှိပ်မှုတွေအတွက် အသုံးပြုနိုင်ပါတယ်။  ဒါပေမယ့် မြန်မာပြည်မှာ မီဒီယာလွတ်လပ်ခွင့်တွေရလာတာ၊ ဒေါ်အောင်ဆန်းစုကြည်နဲ့ လုပ်ဖ်ာကိုင်ဖက်တွေ ရွေးချယ်ခံရတဲ့ လွှတ်တော်ရွေးကောက်ပွဲတွေလုပ်ခဲ့တာမျိုး သိသာထင်ရှားတဲ့ အပြောင်းအလဲတွေဖြစ်ချိန်ရောက်ပါပြီ။  ဒီပြောင်းလဲမှု အတိုင်းအတာကို အသိအမှတ်ပြုရပါမယ်။” လို့ ပြောကြားခဲ့ပါတယ်။ မြန်မာအစိုးရ နိုင်ငံခြားရေးဌာနကတော့ အီးယူရဲ့ ဆုံးဖြတ်ချက်ကို ၀မ်းမြောက်စွာကြိုဆိုတဲ့အကြောင်း ဒီလိုရုပ်သိမ်းလိုက်တာဟာ မြန်မာ-အီးယူဆက်ဆံရေးကို အားပေးရာ ရောက်တဲ့အပြင် ပိုမိုနက်ရှိူင်းကျယ်ပြန်တဲ့ နှစ်ဘက်ပူးပေါင်း ဆောင်ရွက်မှုကို အကျိုးပြုစေမယ်လို့ ထုတ်ပြန်ကြေညာခဲ့ပါတယ်။ အမျိုးသားဒီမိုကရေစီအဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည်ကလည်း အခုလို အီးယူရဲ့ ပိတ်ဆို့ ဒဏ်ခတ်မှုတွေ ရုပ်သိမ်းတဲ့အပေါ် ကြိုဆိုတယ်လို့ ဘီဘီစီ ကမ္ဘာ့တလွှားသတင်းဌာနကို ပြောကြားခဲ့ပါတယ်။ တိုင်းရင်းသားလက်နက်ကိုင်အဖွဲ့တွေနဲ့ ဖွဲ့စည်းထားတဲ့ ညီညွတ်သောတိုင်းရင်းသား လူမျိုးများ ဖက်ဒရယ်ကောင်စီ (ယူအန်အက်ဖ်စီ)ကတော့  ကချင်နဲ့ ရှမ်းပြည်မြောက်ပိုင်းတွေမှာ တိုက်ပွဲတွေ ဆက်ဖြစ်ပွားနေတာကို ထောက်ပြပြီး  အစိုးရနဲ့ ပြီးပြည့်စုံတဲ့ အပစ်အခတ်ရပ်စဲရေး သဘောတူညီချက် မရသေးတဲ့အကြောင်း၊ မြန်မာအစိုးရနဲ့ စစ်တပ်အနေနဲ့ ငြိမ်းချမ်းရေး၊ ဒီမိုကရေစီရေးနဲ့ လူ့အခွင့်အရေးကို အလေးအနက်ထားလုပ်ဆောင်လာတဲ့အထိ ပိတ်ဆို့ဒဏ်ခတ်မှုတွေကို မရုပ်သိမ်းဘဲ အရင်အတိုင်း ဆက်ဆိုင်းငံ့ထားဖို့ ကြေညာချက် ထုတ်ပြီး ပြင်းထန်စွာ တောင်းဆိုခဲ့ပါတယ်။ ဗြိတိန်အခြေစိုက် ဘားမားကန်ပိန်း(ယူကေ)အဖွဲ့ကလည်း အီးယူဟာ အကျဉ်းထောင်တွေမှာ မလွတ်မြောက်သေးဘဲ ကျန်ရှိနေသေးတဲ့ နိုင်ငံရေးအကျဉ်းသားတွေ အရေးကို ပစ်ပယ်ပြီး ပိတ်ဆို့ဒဏ်ခတ်မှုရုပ်သိမ်းတဲ့ အီးယူရဲ့လုပ်ရပ်ကို ရှုတ်ချလိုက်ပါတယ်။ အီးယူရဲ့ ဆုံးဖြတ်ချက်ဟာ  အလားတူပိတ်ဆို့ဒဏ်ခတ်မှုတွေ ဆိုင်းငံထားတဲ့ အမေရိကန်ပြည်ထောင်စုကိုလည်း မြန်မာအပေါ်  ပိတ်ဆို့ဒဏ်ခတ်မှုတွေ ရုပ်သိမ်းလာအောင် ဖိအားတရပ်ဖြစ်လာစေမယ်လို့ သုံးသပ်ချက်တွေ ထွက်ပေါ်နေပါတယ်။ အမေရိကန်အစိုးရက ပြီးခဲ့တဲ့နှစ်က မြန်မာနိုင်ငံအပေါ် စီးပွားရေး ပိတ်ဆို့မှုတွေ ဆိုင်းငံ့ပေးခဲ့ပြီး အမေရိကန်ကုမ္ပဏီတွေကိုလည်း ရင်းနှီးမြှုပ်နှံခွင့် ခွင့်ပြုပေးခဲ့တာပါ။ ဒါပေမယ့်  အမေရိကန်စီးပွားရေးသမားတွေကတော့ ပိတ်ဆို့ဒဏ်ခတ်မှုတွေ အားလုံးရုပ်သိမ်းပေးဖုိ့ အစိုးရကို တောင်းဆိုနေပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up