အင်းစိန်မြို့နယ်က အသက် ၈၄ နှစ်အရွယ် အမျိုးသမီး ၁ ဦးတွင် COVID-19 ပိုးတွေ့ရှိ

ရန်ကုန်တိုင်း အင်းစိန်မြို့နယ်မှာ COVID-19 အတည်ပြုလူနာသစ် ၁ ဦး ထပ်မံစစ်ဆေး တွေ့ရှိတယ်လို့ မေလ ၈ ရက် ည ၁၀ နာရီမှာ ကျန်းမာရေးနဲ့ အားကစားဝန်ကြီးဌာနက သတင်းထုတ်ပြန်ပါတယ်။    အဆိုပါလူနာသစ်ဟာ အသက် ၈၄ နှစ်အရွယ် အမျိုးသမီးတဦးဖြစ်ပြီး အတည်ပြုလူနာ အမှတ် ၁၅၁၊ ၁၅၂၊ ၁၅၃၊ ၁၅၄ နဲ့ ၁၆၂ တို့နဲ့ ထိတွေ့မှုရှိခဲ့ပြီး အင်းစိန်ဆေးရုံကြီးမှာ အသွားလာ ကန့်သတ် စောင့်ကြည့်ခံထားရသူဖြစ်ပါတယ်။  ဒီကနေ့ ညပိုင်းမှာ အမျိုးသားကျန်းမာရေးဓာတ်ခွဲမှုဆိုင်ရာဌာန (ရန်ကုန်) မှ ဒုတိယအသုတ်အဖြစ် ဓာတ်ခွဲနမူနာ (၁၆၃) ခုကို စစ်ဆေးပြီးစီးခဲ့ရာမှာ  COVID-19 ရောဂါ ဓာတ်ခွဲအတည်ပြု လူနာသစ် ၁ ဦးတွေ့ရှိခဲ့တာဖြစ်ပါတယ်။  ဒီကနေ့ COVID-19 ဓာတ်ခွဲစစ်ဆေးမှုအနေနဲ့ အမျိုးသားကျန်းမာရေးဓာတ်ခွဲမှုဆိုင်ရာဌာန (ရန်ကုန်) မှ ဓာတ်ခွဲနမူနာ ၂၅၆ ခု၊ ဆေးသုတေသနဦးစီးဌာနမှ ဓာတ်ခွဲနမူနာ ၉၃ ခုနဲ့ အမှတ် (၂) တပ်မတော် ဆေးရုံကြီး ခုတင် (၁,၀၀၀) နေပြည်တော်၊ ဓာတ်ခွဲဌာနမှ ဓာတ်ခွဲနမူနာ ၂၃၃ ခု၊ စုစုပေါင်း ၅၈၂ ခု ကို စစ်ဆေးခဲ့တယ်လို့ သိရပါတယ်။ မြန်မာနိုင်ငံမှာ မေလ ၈ ရက် ည ၁၀ နာရီအထိ  COVID-19 ရောဂါဓာတ်ခွဲ အတည်ပြုလူနာ ၁၇၇ ဦး၊ သေဆုံးသူ ၆ ဦး  ရောဂါပိုးကင်းစင်လာသူ စုစုပေါင်း ၆၇ ဦး၊ ဆေးရုံကဆင်းခွင့်ပြုခဲ့သူ  ၄၃ ဦး ရှိပါတယ်။ ဓာတ်ပုံ- MOHS

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up