တက္ကသိုလ်ကျောင်းသားများ တီထွင်သည့် ခန္ဓာကိုယ်အနှံ့ ပိုးသတ်ဆေးဖျန်းစက်များ မိတ္ထီလာနှင့် သာစည်တွင် လှူဒါန်း

မန္တလေးတိုင်း၊ မိတ္ထီလာမြို့နဲ့ သာစည်မြို့တို့မှာ တက္ကသိုလ်ကျောင်းသားတွေ တီထွင်ထားတဲ့ ခန္ဓာကိုယ်အနှံ့ ပိုးသတ်ဆေးဖျန်းစက် ၂ လုံးကို အဖြူရောင်ကမ်းလက်အဖွဲ့က မေလ ၅ ရက်နေ့က လှူဒါန်းပေးခဲ့ပါတယ်။ အဖြူရောင်ကမ်းလက်အဖွဲ့(White maker group)ဦးဆောင်သူ ဒေါ်လေးလေးနိုင်က နည်းပညာတက္ကသိုလ် မိတ္ထီလာတက္ကသိုလ်က ကျောင်းသားတွေ ပူးပေါင်းပြီး တီထွင်ထားတဲ့ စက်ပါ။ ဆရာဝန်တွေနဲ့ ကျန်းမာရေးအဖွဲ့တွေ မေးမြန်းပြီး ကာဘော်လစ်ဆပ်ပြာအရည်ကို ပိုးသတ်ဆေးအဖြစ် အသုံးပြုထားတယ်။ တချို့ကလည်း သောက်သုံးရေထဲကို ထည့်တဲ့ ကလိုရင်းကို သုံးစေချင်ကြတယ်။ တချို့ကလည်း အရက်ကို အနံ့ပြောင်းပြီး သုံးစေချင်ကြတယ်။ လတ်တလောတော့ ဆပ်ပြာရည်ပဲ သုံးထားတယ်။ တက္ကသိုလ်ကျောင်းသားတွေ ပူးပေါင်းလုပ်ဆောင်တဲ့ Action Aid အဖွဲ့က အာရုံခံစနစ်ပါတဲ့ ခန္ဓာကိုယ်အနှံ့ အလိုအလျောက် ဆေးဖျန်းစက် တီထွင်လုပ်ဆောင်ပေးတာပါ လို့ ပြောပါတယ်။ မိတ္ထီလာတိုင်းဒေသကြီး လွှတ်တော်ကိုယ်စားလှယ် ဦးစိုးသန်းက အလိုအလျောက် ပိုးသတ်ဆေးဖျန်းစက် ၁ လုံး လာလှူတယ်။ မိတ္ထီလာဆေးရုံအုပ်ကြီးဆီကို လက်ပြောင်းပြီး လှူဒါန်းပေးလိုက်တယ်။ လတ်တလောတော့ ကာဘော်လစ်ဆပ်ပြာရည်ပဲ ထည့်သုံးထားတယ်။ ဘယ်ဟာကို ဖျန်းသင့်တယ်လို့ ညွှန်ကြားထားတာတော့ မရှိပါဘူး။  သင့်တော်မယ်ထင်တာကို လုပ်ဆောင်ကြတာပါ လို့ ပြောပါတယ်။ မိတ္ထီလာခရိုင်ထဲမှာ ပြည်ပနိုင်ငံတွေကနေ ပြန်လာသူပေါင်း ၅၀၀၀ကျော် ရှိနေပါတယ်။ မိတ္ထီလာမြို့နယ်မှာ ၁၆၀၀ ကျော်ရှိပြီး သာစည်မြို့နယ်မှာတော့ ၆၀၀ လောက် ရှိနေပါတယ်။ ခန္ဓာကိုယ်အနှံ့ အလိုအလျောက်ဆေးဖျန်းစက် တလုံးကို ကျပ် ၃ သိန်း ကုန်ကျပြီး မိတ္ထီလာဆေးရုံမှာ ၁ လုံးနဲ့ သာစည်မြို့ စည်ပင်သာယာကို ၁ လုံး လှူဒါန်းပေးထားပါတယ်။ မောင်မောင်လင်း

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up