အသက်ကယ်ခဲ့သည့် ဆရာဝန်နှစ်ဦးအမည် အစွဲပြုပြီး ဗြိတိန်ဝန်ကြီးချုပ်၏သားကို အမည်ပေး

Reuters
ဧပြီ ၂၉ ရက်က မွေးဖွားခဲ့တဲ့ ဗြိတိန်ဝန်ကြီးချုပ်ဂျွန်ဆင်ရဲ့သား နာမည်ကို ဝီလ်ဖရက်လော်ရီနီကိုးလပ်စ်လို့  ဂျွန်ဆင်ရဲ့ အသက်ကို ကယ်တင်ခဲ့တဲ့ ဆရာဝန် နှစ်ဦးအမည်ကို အစွဲပြုပြီး မေ ၂ ရက်က အမည်ပေးလိုက်ပါတယ်။ ဝီလ်ဖရက် ဆိုတာက ဂျွန်ဆင်ရဲ့ အဘိုးနာမည်၊ လော်ရီ ဆိုတာက ကလေးမိခင်ရဲ့ အဘိုးနာမည်နဲ့  နီကိုးလပ်စ် ဆိုတာကတော့ ပြီးခဲ့တဲ့လတုန်းက စိန့်သောမတ်စ်ဆေးရုံကြီးမှာ  ဂျွန်ဆင်ရဲ့အသက်ကို ကယ်တင်ခဲ့တဲ့ ဆရာဝန်နှစ်ဦးကို အစွဲပြုပြီး ဂုဏ်ပြုနာမည်ပေးခဲ့တာလို့ အသက် ၃၂ နှစ်အရွယ် ကလေးမိခင် ကယ်ရီဆစ်ဂ်မန်းက ပြောပါတယ်။  COVID-19 ကူးစက်ခံရာကနေ ပြန်ကောင်းမွန်လာတဲ့ ဝန်ကြီးချုပ်ဂျွန်ဆင်ဟာ ဧပြီလ ၂၇ ရက်က ဝန်ကြီးချုပ် တာဝန်တွေကို ပြန်ထမ်းဆောင်ခဲ့ပါတယ်။  ကိုရိုနာဗိုင်းရပ်စ်ကြောင့် အသက် ၅၅ နှစ်အရွယ် ဂျွန်ဆင်ဟာ အထူးကြပ်မတ်ကုသဆောင်အထိ ရောက်ရှိခဲ့ပါတယ်။ နေပြန်ကောင်းလာခဲ့ပြီးနောက် ဂျွန်ဆင်က သူ့အသက်ကို ကယ်တင်ခဲ့တဲ့ စိန့်သောမတ်စ်ဆေးရုံက ဆရာဝန်တွေကို ကျေးဇူးတင်စကား ပြောဆိုခဲ့တာကိုလည်း ရိုက်တာသတင်းက ဖော်ပြပါတယ်။   

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up